‘कांग्रेस किन बन्यो तानाशाहहरुका लागि टाउको दुःखाइ ?’

१४ आश्विन २०६९, आईतवार ०८:१८ मा प्रकाशित

चन्द्रकान्त खनाल, रुपन्देही १४ असोज । राष्ट्रियता, लोकतन्त्र र समाजवादको सच्चा पहरेदार नेपाली कांग्रेस मात्र भएको सो पार्टीका केन्द्रीय सदस्य बाबुराम रानाले दावी गर्नुभएको छ । पार्टीको राप्ती अञ्चल इञ्चार्जसमेत रहनुभएका नेता रानाले रुपन्देहीको करहियामा आयोजित कार्यक्रममा त्यस्तो दावी गर्नुभएको हो । साथै उहाँले कांग्रेसको लोकतान्त्रिक चरित्रकै कारण यो पार्टी तानाशाहहरुका लागि टाउकोदुःखाइ बनेको बताउनुभयो ।
नेपाल तरुण दल करहिया गाउँ समितिले गरेको भेलामा नेता राना सँगै नेपाली कांग्रेस रुपन्देहीका सदस्य एवम् युवा नेता प्रकाशचन्द्र ढकाल, क्षेत्र नं. ३ का सभापति क्याप्टेन यमबहादुर खत्री र तरुण दलका जिल्ला अध्यक्ष चिरञ्जिवी पौडेलले अलोकतान्त्रिक भिडविरुद्ध तरुणहरु विवेकपूर्ण रुपमा प्रस्तुत हुने विश्वास व्यक्त गर्नुभयो ।
सोही अवसरमा पार्टीका महासमिति सदस्य खुमबहादुर भण्डारी, क्षेत्रिय सल्लाहकार हरिप्रसाद ज्ञवाली, पार्टी भवन निर्माण समितिका संयोजक भेषराज पाण्डे, त्यस्तै, हरि न्यौपाने, सतिश चौधरी, हरिलाल पाण्डे, गोविन्द पंगेनी, तरुण दलका जिल्ला उपाध्यक्ष भरतबहादुर के.सी., सचिव अवधविहारी दुवे, जिल्ला प्रतिनिधि गणेश पाठक, नेपाल विद्यार्थी संघका केशव पाण्डे, चिरञ्जिवी बस्याल, लगायतले मन्तव्य व्यक्त गर्नुभएको थियो ।

प्रतिक्रिया
सम्बन्धित खवर

काठमाडौ । सरकारले शहरी क्षेत्रका विद्यालयहरु आगामी वैशाख मसान्तसम्म बन्द गर्न सिफारिस गरेको छ । कोभिड – १९ व्यवस्थापन केन्द्र

काठमाडौँ। प्रधानमन्त्री केपी शर्मा ओलीले कोरोना भाइरस (कोभिड–१९) को समस्या समाधानका लागि सबै दलसँग सहयोगको आग्रह गरेका छन् । प्रधानमन्त्री

काठमाडौं । प्रधानमन्त्री केपी शर्मा ओलीले शनिवार बोलाएको सर्वदलीय बैठकमा माओवादी केन्द्रका अध्यक्ष पुष्पकमल दाहाल प्रचण्ड नजाने भएका छन् ।

काभ्रेपलाञ्चोक । जिल्लाको पुराना तीन नगर बनेपा, धुलिखेल र पनौती ‘काभ्रे’ स्मार्ट सिटीका नामले परिचित हुन संरचना निर्माण प्रक्रियालाई तीव्रता