उपभोग्य वस्तु आयातनिर्यातमा भारतीय गाडीलाई अवरोध नगरिने

१३ आश्विन २०६९, शनिबार २०:२२ मा प्रकाशित

काठमाडौं, १३ असोज । नेकपा माओवादी सम्बद्ध जनवर्गीय सङ्गठनहरुले दैनिक उपभोग्य वस्तुहरुको आयातनिर्यातमा प्रयोग हुने कुनै पनि भारतीय सवारी साधनलाई अवरोध नगरिने बताएका छन्। सो पार्टीसम्बद्ध १० वटा विभिन्न वर्गीय संगठनहरुले शनिबार संयुक्त प्रेस विज्ञप्ति प्रकाशित गरी पेट्रोल, डिजेल, ग्यासलगायतका दैनिक उपभोग्य वस्तुहरुको आयात गर्ने भारतीय नम्बर प्लेटका कुनै पनि सवारी साधनलाई अवरोध नगरिने जनाएका हुन्।
आफूहरुले स्वाधीन राष्ट्रिय अर्थतन्त्रको विकास र विस्तारका लागि सुरु गरेको आन्दोलनका कारण कोही कसैलाई त्यसबाट समस्या परेको भए सो सच्याउनसमेत तयार रहेको विज्ञप्तिमा उल्लेख गरिएको छ।
यसरी विज्ञप्ति प्रकाशित गर्नेहरुमा नेकपा माओवादीनिकट आदिवासी जनजाति महासङ्घका महासचिव सुरेश आलेमगर, अखिल नेपाल महिला सङ्घ ९क्रान्तिकारी०का संयोजक जयपुरी घर्ती, नेपाल राष्ट्रिय दलित मुक्ति मोर्चाका तिलक परियार, अखिल नेपाल जनसांस्कृतिक महासङ्घका अध्यक्ष ईश्वरचन्द्र ज्ञवाली, अखिल नेपाल क्रान्तिकारी टे्रड युनियन महासङ्घका संयोजक रामदीप आचार्यलगायत १० वटा जनवर्गीय सङ्गठन रहेका छन्।

प्रतिक्रिया
सम्बन्धित खवर

काठमाडौं । आज सेप्टेम्बर २७ अर्थात् ४२ औँ विश्व पर्यटन दिवस नेपालमा पनि विविध कार्यक्रमको आयोजना गरी मनाइँदैछ । कोभिड–१९

काठमाडौं । यो साता पहिलो कारोबार दिन संविधान दिवसका कारण सार्वजनिक विदा परेकाले चार ओटा कारोबार दिनमात्र शेयर कारोबार भएको

काठमाडौं ।दसैँका लागि नेपाली व्यवसायीले झिकाएका सामान बोकेका कन्टेनरका लस्कर सीमापारि चिनियाँ नाकामा रोकिएका छन् । सिमानामा एक हजारभन्दा बढी

काठमाडौँ।सरकारले स्यानिटरी प्याडमा कुनै पनि कर वृद्धि नगरेको स्पष्ट पारेको छ । महिनावारी हुँदा महिलाले प्रयोग गर्ने स्यानिटरी प्याडमा मूल्यवृद्धि