अमेरिकाद्वारा तिब्बती शरणार्थीसम्बन्धमा सकारात्मक बनिदिन परराष्ट्रमन्त्री नारायणकाजी श्रेष्ठसंग आग्रह

१३ आश्विन २०६९, शनिबार ०३:५८ मा प्रकाशित

पुरुषोत्तम ढकाल, अमेरिका, १३ असोज । अमेरिकाले राष्ट्र संघको ६७ औं महासभामा सहभागी हुन आउनु भएका उपप्रधानमन्त्री एवम परराष्ट्रमन्त्री नारायणकाजी श्रेष्ठसंग तिब्बती शरणार्थीसम्बन्धमा नेपालको तर्फबाट सकारात्मक, लचिलो र सहयोगी भूमिका निर्बाह गरि दिन आग्रह गरेको छ । जवाफमा नेपालका तर्फबाट परराष्ट्रमन्त्री नारायणकाजी श्रेष्ठले अमेरिकी विश्वास टुटने नदिने प्रतिबद्वता ब्यक्त गरेको श्रोतले बताएको छ । श्रोतका अनुसार परराष्ट्रमन्त्री श्रेष्ठले मानवीयताको आधारमा तिब्बती शरणार्थीहरुलाई नेपाल सरकारले सहयोग गरेपनि उनीहरुको राजनितीक गतिविधी प्रति नेपाल सरकार चनाखो रहने प्रतिक्रिया दिएका थिए ।

बिहीबार राष्ट्रसंघका लागि नेपाली स्थायी प्रतिनिधिको कार्यालयमा नागरिक सुरक्षा, प्रजातन्त्र र मानवअधिकार सम्बन्धी अमेरिकी सहायक विदेश मन्त्री मारिया ओटेरियो र दक्षिण एसिया मामिला हेर्ने सहायक विदेशमन्त्री रोवर्ट ब्लेकले उपप्रधानमन्त्री एवम परराष्ट्रमन्त्री नारायणकाजी श्रेष्ठसमक्ष मानवअधिकार, प्रजातन्त्र र नागरिक सुरक्षाको बिषयमा अमेरिकाले माओवादीलाई विश्वास गरेको र त्यसबाट माओवादी बिमुख नहुन सल्लाह दिएको थियो । भेटमा अमेरिका, माओवादी नेतृत्वको सरकार सँग समन्वय गरेर अगाडी बढन तयार रहेको तर माओबादी मानवअधिकार, प्रजातन्त्र र नागरिक सुरक्षाको बिषयमा स्पष्ट र अडिग रहनु पर्ने अमेरिकी सर्तलाई जोड दिएका थिए। करिब आधा घन्टाको कुराकानीमा अधिकारीहरुले अमेरिकाले माओबादी गतिविधिलाई नजिकबाट नियालिरहेको जानकारी दिएका थिए ।

उक्त भेटमा सहायक विदेशमन्त्रीद्य ओटेरियो र ब्लेकले तिब्बती शरणार्थीको बिषयमा बिशेष चासो राखेका थिए । विदेशमन्त्रीद्यले तिब्बती शरणार्थीहरुको शान्तिपुर्ण विरोध प्रर्दशनमा नेपाल सरकारलाई दमन नगर्न समेत सुझाएका थिए । भेटमा सम्बन्धी सहायक विदेशमन्त्री ओटोरियाले शरणार्थीहरु पक्राउ गरेर फिर्ता पठाउने नेपाल सरकारको कार्यलाई मानवअधिकार उलंघनको घटना भन्दै मन्त्री श्रेष्ठ समक्ष अमेरिकी असन्तुष्टी ब्यक्त गरेकी थिईन् ।
बिहिबार र शुक्रबार गृह प्रशासनले काठमाडौंको बौद्व क्षेत्रमा तिब्बती शरणार्थीहरुको कार्यालयमा छापा मारेको र थप एक स्वतन्त्र तिब्बत समर्थक पक्राउ परेको प्रसंग समेत अमेरिकी सहायकमन्त्रीद्वयले उठाएका थिए । जवाफमा उपप्रधानमन्त्री एवम परराष्ट्रमन्त्री नारायणकाजी श्रेष्ठले अमेरिकी विदेशमन्त्रीद्यलाई नेपालको एक चीन निती अबगत गरन आग्रह गरेका थिए ।

प्रतिक्रिया
सम्बन्धित खवर

दक्षिण पश्चिम चीनको तिब्बत स्वायत्त क्षेत्रको उच्च उचाई भएका स्थानहरूबाट नाग्कु शहरमा कूल १७ हजार ५५५ व्यक्तिलाई टाढा सारिने तिब्बती

गृहमन्त्री बालकृष्ण खाणले संसद्मा विचाराधिन रहेको नागरिकता विधेयकलाई दलको सहमतिमा अघि बढाउने प्रयत्नमा सरकार लागेको बताउनुभएको छ । विधेयक अघि

काठमाडौं । नेपालले अमेरिकालाई अमेरिकाको ‘स्टेट पार्टनरसिप प्रोग्राम’ एसपीपीमा आबद्ध नहुने निर्णय पठाएको छ । गृहमन्त्री वालकृष्ण खाँणका अनुसार एसपीपीमा

काठमाडौं । नेकपा एमालेका महासचिव शंकर पोखरेलले नेपाली काँग्रेस नेतृत्वको गठबन्धनबाट समाजवाद सम्भव नुहने बताएका छन् । सोमबार नरबहादुर कर्मचार्य

आजको प्रमुख समाचार