औद्योगिक तथा राजश्व सुरक्षाको जिम्मा सशस्त्र प्रहरीलाई

१२ आश्विन २०६९, शुक्रबार ०७:४७ मा प्रकाशित

काठमाडौं, १२ असोज । सरकारले औद्योगिक तथा राजश्व सुरक्षाको जिम्मा सशस्त्र प्रहरी बललाई दिने भएको छ । सिंहदरबारमा बिहिबार सांझ बसेको मन्त्रीपरिषदको बैठकले औद्योगिक तथा राजश्व सुरक्षा बल गठनका लागि सशस्त्र प्रहरीमा २ हजार २ सय पचास दरबन्दी थप्ने निर्णय गरेको हो ।

यसअघि सशस्त्र प्रहरीले अस्थाई रुपमा १० वटा भन्सार नाकामा राजश्व तथा भन्सार सुरक्षा गस्तीका रुपमा काम गर्दै आएको थियो । यस्तै, नेपाल प्रहरीलेसमेत सो जिम्मेवारी दाबी गरेपछि कसलाई दिने भन्नेमा अहिलेसम्म अन्योल थियो ।

बिहिबारकै बैठकले सुदुरपश्चिमको विकासका लागि आयोग गठन गर्ने निर्णय पनि गरेको छ । मक्का जाने हज यात्रीका लागि ८१ लाख सहयोग प्रदान गरिने निर्णय पनि मन्त्रीपरिषदको बैठकले गरेको छ ।

बैठकले नेपाली सेनाका सहायक रथी राजेन्द्रविक्रम शाहलाई उपरथीमा बढुवा गर्नुका साथै करिव डेढ दर्जन उच्च सैन्य अधिकारीको सरुवा गरेको छ । पवन पाण्डेसहित दस उपरथी, रमिन्द्र क्षेत्रीसहित आठ सहायक रथी र रमेशराज महतसहित १४ महासेनानीको सरुवा गरिएको हो ।

प्रतिक्रिया
सम्बन्धित खवर

बुटवल । नेपाली कांग्रेसको १४ औं महाधिवेशन अन्तर्गत रुपन्देहीको गाउँ नगर अधिवेशनमा पार्टी सभापति शेरबहादुर देउवा र बरिष्ठ नेता रामचन्द्र

काठमाडौं । सत्तारुढ पाँच दलीय गठबन्धनले नागरिक अगुवाबाट दुई जनालाई मन्त्री बनाउँने सहमति गरेका छन् । प्रतिगमन विरुद्वका आन्दोलनमा सक्रिय

काठमाडौँ । प्रमुख विपक्षी दलका नेता केपी शर्मा ओलीले सरकारले दल विभाजन सम्बन्धी अध्यादेश जारी र खारेजी दुवै गैरकानूनी तथा असंवैधानिक

काठमाडौं । सत्तारुढ नेपाली कांग्रेसले सरकारमा सहभागी हुने मन्त्रीहरूको नाम भागबन्डाका आधारमा टुंगो लगाएको छ । कांग्रेस सभापति एवं प्रधानमन्त्री