स्वतन्त्र सरकार नै निकास : कमल थापा

११ आश्विन २०६९, बिहीबार ११:४७ मा प्रकाशित

चन्द्रकान्त खनाल, बुटवल, असोज ११ । राष्ट्रिय प्रजातन्त्र पार्टी नेपालका अध्यक्ष कमल थापाले संविधानसभाबाट संविधान जारी हुन नसकेकाले बर्तमान समस्याको निकास स्वतन्त्र सरकारले मात्रै दिने बताएका छन् । राप्रपा नेपालको भातृसंस्था राष्ट्रिय युवा मोर्चाको दोस्रो राष्ट्रिय भेलालाई बुधबार बुटवलमा सम्बोधन गर्दै अध्यक्ष थापाले यस्तो बताएका हुन । एमाओबादी,काग्रेस,एमाले लगायतका दल सत्तालिप्सामा लागेको आरोप लगाउदै अध्यक्ष थापाले तटस्थ सरकारले मात्रै मुलुकलाई निकास दिने बताए । प्रधानमन्त्री बाबुराम भट्टराईलाई हटाएर अर्को दलको सरकार गठनको अर्थ नहुने उनको कथन छ । आफुहरु शुरुदेखि नै संबैधानिक राजतन्त्र,हिन्दु सनातम धर्मको पक्षमा रहेको भन्दै अवको चुनावले त्यसलाई स्थापित गर्ने उनको दावी छ । उनले पुर्व राजाको भ्रमणप्रति दलहरुले विरोध जनाएर गणतन्त्रकै खिल्ली उडाएको टिप्पणी गदै राजतन्त्रको अन्त्यसंगै देशमा एकताको सुत्र टुटेको दावी गरे उनले देशको चापी विदेशीको हातमा रहेको समेत बताए ।
नेता थापाले नेपालको प्राचिन धर्म,सस्कृति र सभ्यतामाथि परिवर्तनकारी भन्ने दलहरुले निर्मम प्रहार गरेको बताउंदै विदेशीको डलरमा जातिय संघियता ल्याउदा मुलुक विखण्डनतर्फ गएको उनको टिप्पणी छ । उनले संविधानसभा, माओबादी लडाकु र अन्य वाहनामा दलले राज्यको ढुकुटीमाथि ब्रहम्लुट मच्चाएको आरोप लगाए । कार्यक्रमा राष्ट्रिय युवामोर्चाका केन्द्रीय अध्यक्ष किशोर गुरुङ्ग, केन्द्रीय सदस्य प्रकाश चित्रकार, महामन्त्री चन्द्रबहादुर गरुङ्ग, कमला थापा, राजाराम बर्तोला, रुपसिंह थापालगायतले मन्तव्य व्यक्त गरेका थिए ।

प्रतिक्रिया
सम्बन्धित खवर

लण्डन । कोरोना संक्रमणले तीन साताभित्र विदेशमा पछिल्ला तीन साताभित्र थप ३९ जना नेपालीको निधन भएको छ । गैरआवासीय नेपाली

काठमाडौँ । नेकपा एमालेका अध्यक्ष केपी शर्मा ओलीले माधवकुमार नेपाललगायतलाई पार्टीमा कुनै ठाउँ नभएको बताएका छन् । काठमाडौँ जिल्ला कमिटीको

काठमाडौं । जनता समाजवादी पार्टी (जसपा)को संसदीय दलको नेतामा उपेन्द्र यादव चयन हुनुभएको छ । सो पार्टीले नेता नवराज सुवेदीको

काठमाडौं । मदन पुरस्कार २०७७ को प्रारम्भिक सूचीमा ९ वटा पुस्तक परेका छन् । मदन पुरस्कार गुठीले शुक्रबार ९ वटा