यस्ता छन् आइजीपी रानाका प्रतिवद्धता

१० आश्विन २०६९, बुधबार १८:५४ मा प्रकाशित

काठमाडौं, १० असोज । नवनियुक्त प्रहरी महानिरीक्षक कुवेरसिंह रानाले प्रहरी सङ्गठनको सेवा प्रवाहलाई चुस्त दुरुस्त, नागरिकमैत्री, जनमुखी, जवाफदेही र शीघ्र तुल्याउन आफू लागिपरेको जनाएका छन् । सेवा प्रवाह, अपराध अनुसन्धान, आन्तरिक व्यवस्थापन, जनशक्ति विकास, विज्ञान र प्रविधिको प्रयोग र भौतिक संशाधन व्यवस्थापनमा सुधार ल्याएर प्रहरी सङ्गठनको सेवालाई चुस्त तुल्याउने बुधबार प्रहरी प्रधान कार्यालयमा आयोजित पत्रकार सम्मेलनमा उनले प्रतिबद्धता व्यक्त गरे ।
प्रहरीको आचरण र व्यवहारमा सुधार ल्याउने, आर्थिक अनुशासन र गैरराजनीतिक चरित्र कायम गर्ने, सङ्गठितरुपमा हुने गुण्डागर्दी, तस्करीलगायतका आपराधिक क्रियाकलाप नियन्त्रण गर्ने, नागरिकसँगको अन्तरक्रियालाई उच्च प्राथमिकता दिने तथा सेवा विस्तार तथा ग्रामीण गस्तीलाई तीव्रता प्रदान गर्ने योजना बनाएको सो अवसरमा उनले जानकारी दिए ।
दण्डहिनता, भ्रष्टाचार, अपराध, ट्राफिक व्यवस्थापनमा वैज्ञानिकीकरण, मानवअधिकारको संरक्षण र प्रबद्र्धन र अकर्मण्यताविरुद्ध शून्यसहनशीलता तथा महिला, बालबालिका, जेष्ठ नागरिकलाई सहज प्रहरी सेवा र विपतमा परेका नागरिकका लागि द्रुत सेवा एवम् उद्धार कार्यलाई सङ्गठनले प्राथमिकताको विषयमा राखेर कार्यान्वयन गर्ने महानिरीक्षक रानाले बताए । परिणाममुखी अपराध अनुसन्धान बनाउने, अन्तर्राष्ट्रिय तथा क्षेत्रीय प्रहरी सङ्गठनसँग समन्वय गर्ने बताउँदै महानिरीक्षक रानाले सङ्गठनको संरचना सुधार, जनशक्ति व्यवस्थापन, आन्तरिक प्रशासनको पारदर्शिता र प्रभावकारिता तथा सरुवा–बढुवा तथा अन्य अवसरहरूमा वस्तुपरक नीति अवलम्बन गरी कार्य अवसरको समान वितरणको नीति लिइने जानकारी दिए ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार