भारतीय गाडी, सिनेमा र गीत संगीतमा माओवादीले लगायो रोक

१० आश्विन २०६९, बुधबार १८:१८ मा प्रकाशित

काठमाडौं, १० असोज । नेकपा-माओवादीले चितवनलगायत ताम्सालिङ राज्यमा भारतीय नम्बर प्लेटका गाडी चलाउन रोक लगाएको छ। माओवादी कार्यकर्ताले चितवनको नारायणगढस्थित पुल्चोकमा बसेर बुधबार बिहानैदेखि भारतीय नम्बर प्लेटको गाडी सञ्चालनमा रोक लगाइरहेका छन् । उसले हिन्दी चलचित्र, हिन्दी प्रकाशन र प्रसारणमाथि पनि रोक लगाएको सो पार्टीकी चितवन इन्चार्ज शोभा कट्टेललाई उद्धृत गर्दै राससले जनाएको छ ।
उनीहरुले यहाँका सञ्चारमाध्यममै गएर हिन्दी गीत प्रसारण नगर्न भनेका थिए। अण्डा, दूध, तरकारी, माछा, केराजस्ता नेपालमै उत्पादन हुने कृषिजन्य वस्तुको पनि आयातमा रोक लगाउने शोभाले बताइन् । राष्ट्रियता, जनतन्त्र र जनजीविकाका सवाललाई लिएर सरकारलाई बुझाएको ७० बुँदे माग पूरा गराउन दबाबस्वरुप माओवादीले मङ्सिर १० गतेसम्म भारतीय वस्तुमाथि रोक लगाउने जनाएको छ।
ताम्सालिङ राज्यअन्तर्गत चितवन, मकवानपुर, धादिङ, रसुवा, नुवाकोट, सिन्धुपाल्चोक, काभ्रेलगायतका जिल्लामा माओवादीले यसरी भारतीय सवारीमा रोक लगाएको हो। नेकपा माओवादीका कार्यकर्ता चितवन भित्रिने र बाहिरिने नाका नाकामा बसेर भारतीय नम्वर प्लेटका गाडीलाई कडाइ गरिरहेका छन्। यसअघि चितवनका कृषकसँग उनीहरुले अन्तर्क्रिया गरी रोक लगाउनुपर्ने र नपर्ने खाद्य सामाग्री बोकेको गाडीको पहिचानसमेत गरेका थिए।

प्रतिक्रिया
सम्बन्धित खवर

काठमाडौँ । पहिरोका कारण सिद्धार्थ राजमार्ग र तानसेन-तम्घास सडक अवरुद्ध भएको छ । सिद्धार्थ राजमार्गका धेरै ठाउँमा पहिरो खसेको र

नवलपरासी । नवलपुर (नवलपरासी पूर्व) को मध्यविन्दु नगरपालिका-१० मा पर्ने तीन वटा खहरेखोलाको डाइभर्सन बाढीले बगाएपछि पूर्व-पश्चिम राजमार्ग अवरुद्ध भएको

बागलुङ । निरन्तरको वर्षाका कारण बागलुङका दुई ठूला राजमार्ग अवरुद्ध भएका छन् । राष्ट्रिय गौरवको आयोजनाका रूपमा रहेको मध्यपहाडी पुष्पलाल

चितवन । विकास गतिमा तीव्ररुपमा अघि बढिरहेको भरतपुर महानगरपालिकामा योजना लिएर गएपछि रित्तो हात फर्किनु पर्दैन । महानगरभित्रका वडाध्यक्षहरू योजना

आजको प्रमुख समाचार