झुक्किएर मानिसहरुले श्रीमान्–श्रीमतीलाई आमा–छोरी भनेपछि….

६ कार्तिक २०७८, शनिबार ०९:०१ मा प्रकाशित

समलिंगी जोडीहरूलाई देखेर धेरैपटक मानिसहरु छक पर्ने गरेका छन् । तर कसैले श्रीमान्–श्रीमतीलाई नै आमाछोरीजस्तो सोच्छ भने त्योभन्दा अनौठो के होला । यस्तै, भएको छ एक समलिंगी जोडीका सवालमा । व्हिटनी र मेगन बेकनको जोडीलाई मानिसहरु आमा–छोरीजस्तै ठान्छन् । विवाहको दिन पनि मानिसहरुले उनीहरुलाई आमा–छोरी ठानेका थिए ।

बेलायतको वर्कशायरस्थित विन्डसरमा बस्ने यो लेस्बियन जोडी सामाजिक सञ्जालमा पनि निकै चर्चित छ । उनीहरुको टिकटकमा ९० हजारभन्दा धेरै फलोअर्स छन् । आफुलाई आमा–छोरी भनिदिँदा कस्तो महसुस हुन्छ भन्ने अनुभव समेटेर पनि उनीहरुले भिडियो पोस्ट गर्ने गरेका छन् र यस्ता पोस्टमा अहिलेसम्म १८ लाखभन्दा धेरै लाइक्स आइसकेको छ ।

मिरर युकेको रिपोर्टअनुसार यस दम्पतीले २०१७ मा क्यालिफोर्नियामा विवाह गरेको थियो । मेगनका अनुसार यतिबेला विवाहका लागि कपडा खरिद गर्दा पनि मानिसहरुले उनीहरुलाई आमा–छोरी ठानेका थिए । र, वास्तविक बुझेपछि ती मानिसहरुले माफी पनि मागे ।

व्हिटनीको उमेर ३३ वर्ष र मेगनको उमेर ३४ वर्ष भयो । मेगन बेकन पति र व्हिटनी पत्नी हुन् । तर, मेगन वास्तविक उमेरभन्दा केही पाको देखिन्छन् । त्यहीकारण मानिसहरुले उनलाई आमा ठान्ने गरेका छन् । यसबारे मेगनले भनेकी छिन्, ‘जब मानिसहरुले हामीलाई आमा–छोरी भन्छन् । तब मलाई निकै दुःख लाग्छ । किनकी, म आफ्नी पत्नीकी आमा बराबरको बुढो देखिन चाहन्न ।’

यद्यपि, टिकटक फलोअर्सले भने उनीहरुलाई चिनिसकेका छन् । उनीहरुले यो सुन्दर जोडीको जमेर तारिफ गर्ने गरेका छन् ।

प्रतिक्रिया
सम्बन्धित खवर

काठमाडौं। कुनै पनि पुरुष मन नपरेको भन्दै ३३ वर्षकी मोडल क्रिस ग्यालेराले गएको सेप्टेम्बरमा आफैंसँग बिहे गरेकी थिइन् । तर,

काठमाडौं । अहिलेको व्यवसायिक संसारमा भाडामा नपाइने चिज के पो छ र ? विभिन्न कामका लागि चाहिने औजार, उपकरणहरु भाडामा

एजेन्सी । बेलायतमा एउटा वैवाहिक कार्यक्रममा जाँदा आफ्नो हात भाँच्चिएपछि एक शिक्षिकाले विवाह विरुद्ध मुद्दा दायर गरेकी छिन् । विवाह

काठमाडौँ – ७५ को उमेरमा इसाओ काकेहीको स्वास्थ्य अवस्था राम्रो थियो । अचानक उनी प्रेममा पनि परे । २०१३ मा