अवैध भारतीय र नेपाली रुपैयांको कारोवारी पक्राउ

९ आश्विन २०६९, मंगलवार १९:५९ मा प्रकाशित

काठमाडौं, ९ असोज । भारतबाट नेपालतर्फ ल्याउँदै गरको ठूलो परिमाणको अवैध नेपाली र भारतीय रुपैयाँसहित दुई जना भारतीय नागरिकलाई मंगलबार सशस्त्र प्रहरी सिराहा माडरले पक्राउ गरेको छ । भारतको मधुबनी जिल्ला जयनगर नगरपालिका ९ घरभई जयनगरमा शंकर ग्लास हाउस सञ्चालन गरेका शेखर कुमार रुंगटा र जयनगर १ का अशोककुमार यादव पक्राउ परेका हुन् ।
उनीहरूको साथबाट २२ लाख ३६ हजार नेपाली रुपैयाँ र २४ हजार भारतीय रुपैयाँ बरामद भएको सशस्त्र प्रहरी उपरीक्षक इन्द्रराज कार्कीले बताए । नेपालमा हजारको भारतीय नोट प्रतिबन्धित रहेको छ ।
भारततर्फबाट बिआर३२ डी ९५२७ नम्बरको भारतीय मोटरसाइकल सिरहातफ आउँदै गरेको समयमा माडर चोहर्बा सडकखण्डको चन्द्र नारायण यादव मेटरनिटी होस्पिटल नजिक सशस्त्र प्रहरी निरीक्षक मानबहादुर पाण्डेको नेतृत्वमा चेक प्वाइण्ट थापेर चेकजाँच गर्ने क्रममा पक्राउ परेको सशस्त्र प्रहरीले जनाएको छ । पक्राउ परेका रुंगटाले आफ्नो जयनगरमा रहेको पसलमा नेपाली ग्राहकबाट जम्मा भएको उक्त रकम प्रभु फाइनान्स लिमिटेड र जानकी मनी ट्रान्सफर सिरहाबाट जनकपुरका सुनचाँदी व्यवसायी शंकर साहको खातामा पठाउने बताए । भारतको दिल्लीमा मेरो बुवा राजकुमार रुंगटालाई भारतीय रुपैयाँ उपलब्ध गराउने भएकाले शंकरको खातामा आफूले उक्त रुपैयाँ पठाउन सिरहा आइरहेको बताए । तर शेखरकुमारले जयनगरमा नेपाली रुपैयाँसँग भारतीय रुपैयाँ साट्ने कारोबार गर्दै आएको एक भारतीय व्यापारीले बताए । नेपालीले भारतमा विभिन्न कामका लागि जाने क्रममा भारतीय रुपैयाँ एक सयको १ सय ६७ रुपैयाँ नेपालीमा साट्ने गरेका छन् । शेखरकुमारले सिरहास्थित विभिन्न मनी ट्रान्सफर र प्रभु फाइनान्सबाट जनकपुरका शंकर साहको विभिन्न खातामा पठाएर भारतमा नै पुनः भारतीय रुपैयाँ लिएर कारोबार गर्दै आएको भारतीय व्यापारीको कथन छ ।
जनकपुरका शंकर साह सुनचाँदी व्यवसायी भएकाले नेपालमा सुन सस्तो भएको समयमा उक्त रकम बराबरको सुन नै भारतीय व्यापारीलाई दिने गरेको भारतीय व्यापारी पंकज कुमारले बताए । यस्तो कारोबार गर्ने जयनगरका २५ जनाभन्दा बढी रहेको पंकजकुमारले भने । कारोबारीहरूले एकै पटकमा शंकर साहको विभिन्न खातामा दैनिक करोडौं रुपैयाँ पठाउने गरेको उनले बताए ।

प्रतिक्रिया
सम्बन्धित खवर

काठमाडौँ । पहिरोका कारण सिद्धार्थ राजमार्ग र तानसेन-तम्घास सडक अवरुद्ध भएको छ । सिद्धार्थ राजमार्गका धेरै ठाउँमा पहिरो खसेको र

नवलपरासी । नवलपुर (नवलपरासी पूर्व) को मध्यविन्दु नगरपालिका-१० मा पर्ने तीन वटा खहरेखोलाको डाइभर्सन बाढीले बगाएपछि पूर्व-पश्चिम राजमार्ग अवरुद्ध भएको

बागलुङ । निरन्तरको वर्षाका कारण बागलुङका दुई ठूला राजमार्ग अवरुद्ध भएका छन् । राष्ट्रिय गौरवको आयोजनाका रूपमा रहेको मध्यपहाडी पुष्पलाल

चितवन । विकास गतिमा तीव्ररुपमा अघि बढिरहेको भरतपुर महानगरपालिकामा योजना लिएर गएपछि रित्तो हात फर्किनु पर्दैन । महानगरभित्रका वडाध्यक्षहरू योजना

आजको प्रमुख समाचार