म कहाँ एक्लै छु र ? -सरण राई

६ चैत्र २०६८, सोमबार ०४:०३ मा प्रकाशित

के तिमी एक्लै हिडिरहेका छौ ?

हो र , म एक्लै देखिन्छु
हिड्दा हिड्दै म एक्लै भएछु र हिडिरहेछु
बेसुरा गतिशील बेग्लै भएछु र बगिरहेछु
भोकाभोका, दुब्लादुब्ला युवाहरू सँगसँगै हिडेका थियौँ
खाना देख्दा झिनाझपटीमा छुट्टियौँ कि…
खान पाउनेहरूले छाडेर गए ; नपाउनेहरू पछाडि छुटे
पेट पाल्ने जीवन धान्ने बेइमानी युद्धमा
निर्मोही, निर्दयी अविरल यात्राको अन्तरालमा
म एक्लै भएँ कि… बुढो भए कि…
छट्टुहरू अगाडि गए, लाटाहरू पछाडि छुटे
अविरल यात्रा हिडाइमा म एक्लै भएँ कि…
तर खै, म कहाँ एक्लै छु र ?
मसँग हिडिरहेछन्
सुन्दर विचार, मनोरम आस्थाहरू
तीतामीठा अनुभूति, समयका अनुभवहरू
मानिसका पवित्र, कञ्चन मीठा सपनाहरू
छाल कहाँ एक्लै हुन्छ र ?
मसँग छन् म र मेरा
म एक्लैको बिशाल सृष्टि भण्डार
मेरा वरिपरी घुमिरहने रमणीय नित नुतन अदृष्य संसार
हिड्ने म, हिडिरहने म, हिडाउने म ; म कहाँ एक्लै छु र ?
म एक्लै एउटा सशक्त समूह, समुदाय, समाज
एउटा संस्था, पूर्ण विवेक, अन्तरमनको आवाज
सुन्दर भावना, सुन्दर रचना, सुन्दर जीवन कहाँ एक्लै हुन्छ र ?

होइन, तिमी एक्लै देखिन्छौ…
होला नि, हो नि , देखिनु र हुनुको फरक
ह्जारौँले घेरिएका जस्ता देखिनेहरू एक्लै छन्
अन्तरआत्मा मरेका तिनीहरू !
सृष्टिको सुन्दर धिपधिपे दियो बाल्न नछाड्ने म
एक्लो जस्तो देखिने म
छालजस्तै समुद्रले, शीतल बतासले, धरतीले घेरिएको म
म कहाँ एक्लै छु र ?
सुन्दर भाव, सुन्दर विचार, सुन्दर जीवन कहाँ एक्लै हुन्छ र ?
२०६८।९।१२, धरान

प्रतिक्रिया
सम्बन्धित खवर

नेपालमा पहिलोपटक चिकित्सासम्बन्धी सम्पूर्ण शब्दको परिभाषा रहेको ‘चिकित्सा शब्दसागर’ विमोचन गरिएको छ । डा विपिन नेपाल, विनयकुमार शर्मा, प्रकाशमणि दाहाल

गैरआवासीय नेपाली संघ भाषा, साहित्य, संस्कृति तथा सम्पदा समितिको साप्ताहिक कार्यक्रम प्रवासी प्रवाहको चवालिसौ शृङ्खलामा नेपाल प्रज्ञा प्रतिष्ठानका कुलपति गंगाप्रसाद

वाग्मती प्रदेशको राजधानी हेटौँडाबाट साहित्य सङ्गम मकवानपुरले यस वर्ष प्रदान गर्ने साहित्य क्षेत्रमा क्रियाशील २० जनालाई विभिन्न सम्मान तथा पुरस्कारको

काठमाडौँ । साहित्यकार विन्दु अधिकारी ढकाल नवीनतम् कथासङ्ग्रह मावली दिदी लिएर आउनुभएको छ । ढकालको दोस्रो कृतिको रूपमा आएको पहिलो