बाबुरामको बाटो किन छेक्यो चीनले ?

९ आश्विन २०६९, मंगलवार ०८:५१ मा प्रकाशित

काठमाडौं, ९ असोज । चिनियां प्रधानमन्त्री वेन जिया बाओले नेपाल आएका बखत समकक्षी प्रधानमन्त्री बाबुराम भट्टराईलाई उपयुक्त समयमा चीनको भ्रमण गर्ने निम्तो एिका थिए । चिनियां उपविदेशमन्त्री यु फिङले करिब आठ महिनापछि नेपाल आएका बेला गत साउनमा सोही कुरा दोहोरयाएर प्रकानमनत्री भट्टराईको आशा जगाइकी थिइन् । तर भ्रमण यथासक्य छिटो होस् भन्ने प्रधानमन्त्रीको चाहना भए पनि दुईपटक सम्म आएको निम्तोले औपचारिक बाहेक थप गति लिन सकेको छैन ।
विभिन्न तहबाट पहल जारी रहे पनि चीनले तत्काल भ्रमणको सम्भावनाारे कुनै संकेत गरेको छैन । बेइजिङस्थित नेपाल दूतावास भने भ्रमण गराउन भरमग्दूर प्रयास गरिरहेको बुझिन्छ । गतसाता बेइजिङ पुगेका उपप्रधान तथा परराष्ट्रमन्त्री नारायणकाजी श्रेष्ठले त्यहांका विदेशमन्त्री याङ जेइचीसंगको भेटमा प्रधानमन्त्रीको चीन भ्रमण जतिसक्दो चांडो हो भन्ने चाहना अवगत गराए पनि सहमति नबनेको श्रोतको कथन छ । चीनियां पक्षले अक्टोबर–नोभेम्वरसम्ममा आफ्नो तहसम्म कुरा पुरयाउने बताएको बताइन्छ ।
करिब एक मनिाअघि सञ्चारकर्मी सम्मिलित एक प्रतिनिधि मण्डलको नेतृत्व गर्दै चीन पुगेकी प्रधानमन्त्रीपत्नी हिसिला यमीको उद्देश्य प्रधानमन्त्रीको चीन भ्रमणका लागि लविङ गर्नु पनि थियो । टोलीमा सहभागी एक सदस्यका अनुसार आफ्नो पक्षकाले सीधा कुरा राख्न नपाउंदा चीनले एकपक्षीय ढंगले बुझेको यमीको बुझाई थियो । प्रधानमन्त्रीलाई चीन भ्रमण गराउन उनको अत्यन्त जोड रहे पनि तत्काल अत्यन्त कम सम्भावना रहेको कुटनीतिक जवाफ यमीले पाएकी थिइन् । नेपालका प्रधानमन्त्रीलाई चीन भ्रमण गराउने विषयमा चीन सकारात्मक रहेपनि अक्टोवरमा हुने चीनियां कम्युनिष्ट पार्टीको महाधिवेशनमा ध्यान केन्द्रित रहेको र त्यसपछि केही महिना नयां कार्यविधिमै व्यस्त हुने हुनाले भ्मण बारेमा ध्यान दिन नसकिने चीनियां पक्षले यमीलाई जानकारी गराएको श्रोतको भनाई छ ।
तर अधिवेशनका कारण मात्र भट्टराईको भ्रमणले मूर्त रुप नपाएको भनी पत्याउन भने नसकिने कुटनीतिक जानिफकारहरु बताउंछन् । डा. भट्टराईले निम्तो पाएयता पनि अन्य मुलुकका थुप्रै उच्च् नेताहरुले चीनको भ्रमण गरिसकेका छन्, जुन निरन्तर जारी छ । नेपालकै कमजोरीका कारण भ्रमणले मुर्त रुप नपाएको बताउंछन् चीनका लागि पूर्वराजदूत टंक कार्की । यसका लागि नेपालको वर्तमान राजनीतिक माहोलसमेत बाधक बनेको कार्कीको बुझाई छ । भ्रमणभन्दा पनि छलफलमा राखिने मुद्दा प्रमुख विषय हो जो नेपालले ठोस रुपमा राख्न नसकेको उनी बताउंछन् । प्रधानमन्त्रीलाई मुख्य राजनीतिक दलहरुको असहयोग रहेका कारण पनि चीन पछि हटेको हुनुपर्छ । यसबाहेक दक्षिण छिमेकीतर्फ प्रधानमन्त्री भट्टराईको विशेष झुकाव रहेको जो चर्चा चल्दै आएको छ, यसले पनि कतै चीनलाई सशंकित पारिरहेको त होइन ? प्रधानमन्त्री भट्टराईको चीन भ्रमणको ढोका खुल्न नसकिरहेको परिवेशमा यो प्रश्न पनि अहम रुपमा उठेकै छ ।

प्रतिक्रिया
सम्बन्धित खवर

काठमाडौँ । लुम्बिनी प्रदेशका नवनियुक्त मन्त्रीले पद तथा गोपनीयताको शपथ लिएका छन् । प्रदेश प्रमुख धर्मनाथ यादवले नवनियुक्त मन्त्रीहरु विजय

काठमाडौं । कोरोना भाइरसको दोस्रो लहर नेपालमा महामारीकै रुपमा फैलिन थालेको छ । सोमबार १२सय ८२ नयाँ संक्रमित थपिएका छन्

काठमाडौँ । सार्वजनिक यातायातमा सिट क्षमताभन्दा बढी यात्रु राख्न नपाइने भएको छ । सोमबार बिहान बसेको मन्त्रिपरिषद् बैठकले नयाँ भेरियन्ट

काठमाडौं । नेपाली कांग्रेसका सभापति शेर बहादुर देउवाले अहिले प्रजातन्त्रमाथि खतरा उत्पन्न भएकाले ओलीलाई प्रधानमन्त्रीबाट हटाउनुपर्ने बताएका छन् । नेपाल