महाधिवेशन हुने–नहुनेमा नेवि संघका नेताहरु नै सशंकित

८ आश्विन २०६९, सोमबार २०:३६ मा प्रकाशित

काठमाडौ, ८ असोज । आगामी माघ ५, ६ र ७ गतेका लागी तय भएको नेपाल विद्यार्थी संघको ११ औ महाधिवेशन तोकिएको मितिमा हुने नहुनेमा विद्यार्थी नेताहरु नै विभाजित बनेका छन् । राजधानीमा सोमबार आयोजित एक कार्यक्रमबीच महाधिवशेन आयोजक समितिका सदस्य एवम कार्यबाहक अध्यक्ष लेखनाथ पोख्रेलले महाधिवेशन विधीसम्मत ढंगले तोकिएकै समयमा हुने दावी गर्दै पार्टीले ह्वीप नै जारी गरिसकेकोले नरोकिने ठोकुवा गरे ।
उनले महाधिवेशनका लागि ९० प्रतिसत कामहरु सम्पन्न भइसकेकोले अब खरायोको गतिमा तयारी पुरा गरेर समयमै सम्पन्न गराई छाड्ने प्रतिबद्धता ब्यक्त गरे । उनले आफूहरु पदमा टिकीरहन महाधिवेशन नगराउने षडयन्त्र भईरहेको भन्ने आरोपको खण्डन गर्दै महाधिवशेन समयमा हुन नसके नेविसंघ कमजोर हुने भएकोले आफूहरु तोकिएकै मितिमा सम्पन्न गर्न लागिपरेको बताए ।
निवर्तमान उपाध्यक्ष नैनसिंह महरले महाधिवेशनको लागि आवश्यक प्रक्रिया अगाडि नबढेकोप्रति चिन्ता प्रकट गर्दै फेरि पनि महाविधेशन नगरे टिके प्रथाबाट संगठन चलाउने षडयन्त्र भईरहेको आरोप लगाए । उनले असोज मसान्तसम्ममा देश भरीका क्याम्पसहरुमा अधिवेशन सम्पन्न गर्नु पर्नेमा अहिले सम्म विधान संसोधन र नियमावली निर्माण त्यस्तै प्रतिनिधिको चयन जस्ता विषय ज्यूँकात्यूँ रहेकोले महाधिवेशन समयमा हुनेमा आशंका ब्यक्त गरे ।
उनले भने– ‘यो फेरि पनि विद्यार्थीबाट विद्यार्थीको नेता चयन गर्न नदिने षडयन्त्र हो । यस्तो भयो भने हामि विद्यार्थीले तोकिएकै समयमा अर्को महाधिवेशन गरिदिन्छौं । त्यो दिन नेविसंघको इतिहासमा दुर्भाग्यपूर्ण हुन्छ ।’
निवर्तमान महामन्त्री मनोजमणी आचार्यले एकता महाधिवेशन दुबै पक्षको सहमतिमा हुनु पर्ने जिकिर गर्दै अहिले एक्लौटि ढंगले प्रक्रिया अगाडि बढाईरहेको भन्दै चिन्ता प्रकट गरे । उनले महाधिवेशन नभई टिके प्रथाबाट फेरि पनि नेतृत्व चयन गरिए नेविसंघ नेविसंघ नरहन सक्ने चेतावनी दिए । उनले भने–त्यस्तो भए नेविसंघमा महाभुकम्प आउँछ । त्यसको जिम्मेवारी पार्टी नेतृत्वले लिनुपर्छ ।
निवर्तमान उपाध्यक्ष प्रमोदहरि गुरागाईले नेविसंघमा एकता महाधिवेशन सम्पन्न गर्नुको विकल्प नरहेको भन्दै महाधिवेशन विधी सम्मत ढंगले संम्पन्न हुने विश्वास गरे ।
उनले ९० प्रतिसत प्रक्रिया सम्पन्न भइसकेकोले कसैलाई पनि महाधिवेशन हुने नहुनेमा आशंका नगर्न आब्हान गरे । उनले दुई दशक नेविसंघमा सक्रिय रहँदै आएको आफूले पनि नयाँ समितिको नेतृत्वकोलागी उमेदवारी घोषणा गर्ने बताए ।

प्रतिक्रिया
सम्बन्धित खवर

दक्षिण पश्चिम चीनको तिब्बत स्वायत्त क्षेत्रको उच्च उचाई भएका स्थानहरूबाट नाग्कु शहरमा कूल १७ हजार ५५५ व्यक्तिलाई टाढा सारिने तिब्बती

गृहमन्त्री बालकृष्ण खाणले संसद्मा विचाराधिन रहेको नागरिकता विधेयकलाई दलको सहमतिमा अघि बढाउने प्रयत्नमा सरकार लागेको बताउनुभएको छ । विधेयक अघि

काठमाडौं । नेपालले अमेरिकालाई अमेरिकाको ‘स्टेट पार्टनरसिप प्रोग्राम’ एसपीपीमा आबद्ध नहुने निर्णय पठाएको छ । गृहमन्त्री वालकृष्ण खाँणका अनुसार एसपीपीमा

काठमाडौं । नेकपा एमालेका महासचिव शंकर पोखरेलले नेपाली काँग्रेस नेतृत्वको गठबन्धनबाट समाजवाद सम्भव नुहने बताएका छन् । सोमबार नरबहादुर कर्मचार्य

आजको प्रमुख समाचार