राष्ट्रपतिमाथि महाअभियोग लगाउने प्रचण्ड–चाहना

८ आश्विन २०६९, सोमबार ०७:५६ मा प्रकाशित

काठमाडौं, ८ असोज । प्रधानमन्त्री डा. बाबुराम भट्टराईले आफ्नो सरकारको निरन्तरतालाई र कांगे्रस–एमालेले सरकार परिवर्तनलाई मुख्य एजेण्डा बनाएका भए पनि एमाओवादी अध्यक्ष प्रचण्डले भने आफ्नो बेग्लै एक सूत्रीय एजेण्डा बनाउनुभएको बुझिन्छ । प्रचण्डनिकटको सूत्रले जनाएअनुसार देखावटीमा जे–जे छलफल चलाए पनि उहांको एउटै मात्र एजेण्डा संविधानसभाको पुनस्र्थापना हो । संविधानसभा पुनस्र्थापनाको पक्षमा अन्य दलहरू सहमत भए प्रचण्ड संघीयताको एजेण्डालाई समेत तत्कालका लागि छोड्न तत्पर हुनुभएको छ । संविधानसभा पुनस्र्थापित भएमा तत्काल आफ्नो पक्षमा दुईतिहाई सभासद् उभिने विश्वास प्रचण्डले गर्नुभएको छ । त्यस्तो अवस्थामा सरकारको नेतृत्वसमेत आफ्नो हातमा आउने प्रचण्डको ठम्याइ छ । दुईतिहाई बहुमत जुटेमा संविधान संशोधन गर्ने र राष्ट्रपतिलाई महाभियोग लगाई हटाएर नयां राष्ट्रपति चयन गर्ने पनि प्रचण्डको योजना रहेको छ । त्यसैले यसअघि एमाओवादीले लिंदै आएको कुनै पनि एजेण्डालाई थाती राख्न प्रचण्ड तत्पर हुनुभएको छ । दलहरूबीचको सहमतिलाई संविधानसभाको बहुमत या दुईतिहाई सदस्यहरूले सजिलै परिवर्तन गर्न÷गराउन सक्ने भएकोले दलहरूको बैठकमा उदारतापूर्वक प्रस्तुत हुने काम उहांले गर्दै आउनुभएको छ ।

कांगे्रस–एमालेले भनेझैं अहिले सरकार परिवर्तन गरी कांगे्रसकै नेतृत्वमा सरकार गठन भए पनि त्यस्तो सरकार संविधानसभाको बहुमतले तत्कालै हटाउन सक्नेछ । संविधानसभाले लिएका निर्णयहरूमा राष्ट्रिय तथा अन्तर्राष्ट्रिय कुनै पनि शक्तिले हलचल गर्न नसक्ने र त्यसपछिको राजनीति आफूले चाहेबमोजिम अघि बढ्ने भएकोले पुनस्थापनाको अगाडि अन्य सबै एजेण्डा प्रचण्डका निम्ति गौण बन्न पुगेका छन् । अझै पनि संविधानसभा पुनस्थापना गराउने बहाना या मौका प्रचण्डले ढुकी बस्नुभएको छ । कांगे्रस सभापति सुशील कोइराला र एमालेका वरिष्ठ नेता केपी ओलीबाहेक अरू कसैले पनि प्रचण्डको खोटो नियतबारे पत्तो पाउन सकेका छैनन् । कदाचित प्रचण्डको भुलभुलैयामा परेर कांगे्रस–एमालेले पुनस्र्थापनामा सहमति जनाए भने यो उनीहरूका निम्ति आत्मघाती बन्ने र प्रचण्डका निम्ति बरदान सावित हुने निश्चित छ ।

प्रतिक्रिया
सम्बन्धित खवर

दक्षिण पश्चिम चीनको तिब्बत स्वायत्त क्षेत्रको उच्च उचाई भएका स्थानहरूबाट नाग्कु शहरमा कूल १७ हजार ५५५ व्यक्तिलाई टाढा सारिने तिब्बती

गृहमन्त्री बालकृष्ण खाणले संसद्मा विचाराधिन रहेको नागरिकता विधेयकलाई दलको सहमतिमा अघि बढाउने प्रयत्नमा सरकार लागेको बताउनुभएको छ । विधेयक अघि

काठमाडौं । नेपालले अमेरिकालाई अमेरिकाको ‘स्टेट पार्टनरसिप प्रोग्राम’ एसपीपीमा आबद्ध नहुने निर्णय पठाएको छ । गृहमन्त्री वालकृष्ण खाँणका अनुसार एसपीपीमा

काठमाडौं । नेकपा एमालेका महासचिव शंकर पोखरेलले नेपाली काँग्रेस नेतृत्वको गठबन्धनबाट समाजवाद सम्भव नुहने बताएका छन् । सोमबार नरबहादुर कर्मचार्य

आजको प्रमुख समाचार