बालुवाटारभित्र माधव नेपाल बटारिँदा उमेश श्रेष्ठको राज्यमन्त्री पद चैट् !

२२ आश्विन २०७८, शुक्रबार ०७:५६ मा प्रकाशित

काठमाडौं – नेपाली कांग्रेसका सभापति शेरबहादुर देउवालाई प्रधानमन्त्री बनाउनमा नेकपा एकीकृत समाजवादी (एस) पार्टीका अध्यक्ष माधवकुमार नेपालको ठूलो हात छ, त्यही साथलाई लिएर बिहीवार अध्यक्ष नेपाल बालुवाटारभित्र बटारिएका छन् ।

नयाँ मन्त्री नियुक्तिको विषयमा छलफल गर्न बोलाइएको सत्तारुढ गठबन्धनको बैठकमा अध्यक्ष माधवकुमार नेपालले आफूलाई प्रभावशाली मन्त्रालय दिनुपर्ने अडान राखे । जसले गर्दा प्रधानमन्त्री देउवाले कांग्रेसको भागको स्वास्थ्य तथा जनसंख्या एकीकृत समाजवादीलाई दिएका छन् ।

स्वास्थ्य मन्त्रालय एकीकृत समाजवादीको भागमा परेपछि स्वास्थ्य राज्यमन्त्री उमेश श्रेष्ठको पद चैट् भएको छ ।

प्रधानमन्त्री देउवाले राज्यमन्त्री श्रेष्ठलाई साउन १० गते स्वास्थ्य राज्यमन्त्री नियुक्त गरेका हुन् । कांग्रेसभित्र श्रेष्ठलाई क्याबिनेट मन्त्री नै बनाइने चर्चा चलिरहेका बेला उनले राज्यमन्त्री गुमाउनुपरेको छ ।

पार्टीभित्र भागबण्डा मिलाउन सकेमा देउवाले श्रेष्ठलाई अन्य कुनै मन्त्रालयमा मन्त्री नै पनि बनाउन सक्छन् तर वरिष्ठ नेता रामचन्द्र पौडेल पक्षले निहुँ खोजिरहेका बेला सबैलाई मिलाएर श्रेष्ठलाई पुनः मन्त्री बनाउन गाह्रो पर्ने स्रोतले विश्लेषण गरेको छ ।

सत्ता गठबन्धनका शीर्ष नेताहरूले आज बिहीवारको बैठकबाट मन्त्रालय बाँडफाँडको विषय टुंग्याएर भोलि शुक्रवार मन्त्रिपरिषद् विस्तार गर्ने सहमति जुटाएका छन् ।

प्रतिक्रिया
सम्बन्धित खवर

चितवन । एमालेको ३०१ केन्द्रीय कमिटीका पदाधिकारी र सदस्यमध्ये निर्विरोध हुन नसकेका पदमा सोमबार राति नौ बजेदेखि एक बजेसम्म मतदान

काठमाडौं । नेकपा एमालेको सात वटा प्रदेशबाट निर्वाचित हुने केन्द्रीय सदस्यमध्ये बहुमत सदस्य निर्विरोध निर्वाचित भएका छन् । एमालेको १०औँ

काठमाडौं । कोरोना भाइरसको नयाँ रुप (भेरियन्ट) ओमिक्रोन देखिएपछि नेपालमा पनि सतर्कता अपनाउन थालिएको छ । दक्षिण अफ्रिकामा देखिएको ओमिक्रोन

काठमाडौं । राप्रपा अध्यक्ष कमल थापाले १५ देखि १७ मंसिरसम्म हुने पार्टीको महाधिवेशनमा फेरि अध्यक्षमा घोषणा गरेका छन् । सोमबार