त्रिविका उपकुलपति लगायतका अधिकारी थुनिए!

७ आश्विन २०६९, आईतवार १९:१३ मा प्रकाशित


काठमाडौं, ७ असोज । लोकतान्त्रिक प्राध्यापक संघले त्रिविविका उपकुलपति, रजिष्ट्रार र रेक्टरलाई आइतबार शिक्षा विकास तथा अनुसन्धान केन्द्र (सेरिड)मा थुनेका छन्। त्रिभुवन विश्वविद्यालयका हरेक तह र तप्कामा पदाधिकारी नियुक्ति गर्दा आफूहरुको पनि सहमति र सहभागिता हुनु पर्ने माग राख्दै प्राध्यापकहरुले तीनै पदाधिकारीलाई थुनेका हुन्। उपकुलपति, रेक्टर र रजिष्ट्रारहरुलाई चिया मात्र खान दिइएको बुझिएको छ । उपकुलपतिलाई उच्चरक्तचापको समस्या रहेकोले थुनिएकोमा चिन्ता व्यक्त गरिएको छ ।
लोकतान्त्रिक प्राध्यापक संघका अध्यक्ष उदयकिसोर तिवारीले गत वर्ष कुलपति एवं प्रधानमन्त्री बाबुराम भट्टराईको रोहवरमा उपकुलपति महर्जनले त्रिविको हरेक तह र निकायमा पदाधिकारी नियुक्ति गर्दा लोकतान्त्रिक प्राध्यापक संघलाई पनि समावेश गराउने लिखित प्रतिबद्धता जनाए पनि त्यसको कार्यान्वयन नगरेकोले बाध्य भएर पदाधिकारीलाई थुन्नु परेको बताए।
प्राध्यापकहरुले विगत एक महिनादेखि विभिन्न माग राख्दै उपलकुलपति हीराबहादुर महर्जन, रजिष्ट्रार चन्द्रमणि पौडेल, शिक्षाध्यक्ष गुणनिधि न्यौपानेलगायत चारै संकायको डिन र कार्यकारिणीको कार्यकक्षमा तालाबन्दी गरेका छन्। विगत एकमहिनादेखि विश्वविद्यालयका आर्थिक, प्रशासनिक र शैक्षिक कामकारबाही प्रभावित बन्दै आएकाले तीनै पदाधिकारीले आइतबार सेरिडबाट कामकारबाही सुरु गर्न खोज्दा प्रध्यापकहरुले एक्कासी आएर थुनेको दाबी गरिएको छ ।
तालाबन्दीको एक महिना बित्‍न लाग्दासमेत पदाधिकारीहरु कानमा तेल हालेर बसेकले यसरी थुन्नुपरेको र लिखित सहमति नगरेसम्म नछाड्ने असन्तुष्ट प्राध्यापकहरुले जनाएका छन् ।

प्रतिक्रिया
सम्बन्धित खवर

काठमाडौं । भ्रष्टाचार गरेको आरोपमा निलम्बित सहसचिव चुडामणि शर्मा विशेष अदालतमा उपस्थित भएका छन् । कर फर्छ्यौट आयोगका सदस्य सचिव

काठमाडौं ।सत्तारुढ दल नेपाली कांग्रेसको १४औं महाधिवेशन नजिकिँदै गर्दा प्रवक्ता विश्वप्रकाश शर्माले महामन्त्री पदमा प्रतिस्पर्धा गर्ने घोषणा गरेका छन् ।

काठमाडौं ।प्रमुख प्रतिपक्षी दल नेकपा एमालेले प्रतिनिधिसभा बैठकमा दिनदिनै नाराबाजी गरेर निहुँ खोज्न थालेपछि सभामुख अग्निप्रसाद सापकोटाले ‘एक्सन’ थालेका छन्

न्यूयोर्क । परराष्ट्रमन्त्री डा. नारायण खड्काले नेपाली समय अनुसार आज मध्यरातमा राष्ट्रसंघीय महासभामा सम्बोधन गर्ने भएका छन् । परराष्ट्र मन्त्रालयका