जिल्ला अदालतबाट पत्रकार बुढाथोकी फरार !

७ आश्विन २०६९, आईतवार १८:२४ मा प्रकाशित

काठमाडौं, ७ असोज । आफूले कल्पना नै नगरेको परिस्थिति अचानक आइपरेपछि पत्रकार गोपाल बुढाथोकी आइतबार जिल्ला अदालत काठमाडौंबाट भाग्नुपरेको छ । अर्कै मुद्दाको कामले त्यहां पुगेका सांघु साप्ताहिकका सम्पादक तथा प्रकाशक बुढाथोकी पत्रिकासंग सम्बन्धित झण्डै तीन दसक पुरानो मुद्दाको वारेन्ट कायम रहेको पत्तो पाएपछि अदालतबाट भागेका हुन् ।
बुझिएअनुसार पञ्चायकालमा राजदरबारविरुद्ध समाचार लेखेर राजकाज मुद्दा खेपेका बुढाथोकीको सो मुद्दा खारेज भएकै रहेनछ । २०४१ सालमा सांघु साप्ताहिकमा दरबारसम्बन्धी समाचार लेखेवापत बुढाथोकी १ वर्ष जेल बसेका थिए । उनलाई केही दिनअघि काठमाडौं जिल्ला अदालतमा अर्को मुद्दाको तारेख लिन जांदा पञ्चायतकालीन मुद्दा वक्यौता देखिएको थियो । तारेखमा हाजिर हुन जिल्ला अदालत जांदा पुरानो पञ्चायतकालिन मुद्दा बांकी देखियो । तत्कालै एक अधिवक्ताले भाग्न सुझाव दिएका कारण उनी अदालतपरिसरबाट फरार भएका थिए ।
उक्त राजकाज मुद्दाको फैसला अनुसार पत्रकार बुढाथोकीले १ वर्ष ६ महिना कैद सजाय र १ सय रुपैयां जरिवाना तिर्न पर्नेछ । ०४१ चैतमा दर्ता खारेज भएको सांघु साप्ताहिक ०४६ सालमा बहुदल आएपछि ०४७ सालबाट पुनः प्रकाशित भएको थियो । बहुदल आएपछि दर्ता खारेजीमा परेका सबै पत्रपत्रिका स्वतः प्रकाशन गर्न पाउने सरकारले निर्णय गरेको थियो । पत्रकार बुढाथोकीले उक्त मुद्दा मिनाहा गराउन नेपाल पत्रकार महासंघमार्फत पहल गर्ने भएका छन् ।

प्रतिक्रिया
सम्बन्धित खवर

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी

काठमाडौँ । राष्ट्रिय सूचना आयोगले सूचना नदिने ३३ कार्यालय प्रमुखलाई कारबाही गरेको छ । आयोगले सूचनाको हकसम्बन्धी ऐन, २०६५ को

नुवाकोट । शनिबार विहान भुकम्पको धक्का महसुस भएको छ । आज बिहान ५ बजेर २६ मिनेट जाँदा  भुकम्पको धक्का महसुस