हस्ताक्षर अभियानले बेलायती संसदको ध्यान आकृष्ठ हुन्छ : गोर्खा आन्दोलनका अगुवा पिटर क्यारोल

६ चैत्र २०६८, सोमबार ००:४८ मा प्रकाशित

धर्मराज अधिकारी, बेलायत: गोर्खा आन्दोलनका अगुवा पिटर क्यारोलले युनाइटेड ब्रिटिश गोर्खा भुतपुर्व सैनिक संघ (युबिजीइए)को हस्ताक्षर अभियान गोर्खा आन्दोलनको हितमा भएको बताएका छन । नेपाल भुतपुर्व सैनिक संघ नेसा युकेका प्रतिनिधीसंग शुक्रबार फोक्स्टनस्थित आफ्नै निवासमा कुरा गर्दै क्यारोलले हस्ताक्षर अभियान मार्फत बेलायती संसदमा कुरा पुर्‍याउन गोर्खाहरुलाई सुझाव दिएका हुन ।
सबै गोर्खाहरु मिलेर हस्ताक्षर अभियान अघि बढाउनुस यसैमा तपाईहरु सफल हुनुहुनेछ, सहभागिहरुलाई ईंगित गर्दै क्यारोलले थपे कानुनी लडाईले गोर्खा अधिकार प्राप्त गर्नुको साटो अझै दलदलमा फस्नसक्छ । उनले ठाउं ठाउंमा आगो फुक्नुको सट्टा एकै ठाउंमा आगो दन्काउन समेत उनीहरुलाई सुझाए । झुण्ड झुण्ड रुपमा गरेको आन्दोलनले खासै सफलता हासील गर्न कठिन हुने बताउंदै उनले आन्दोलनलाई एक भएर अघि बढाउन आग्रह गरे । माग सम्बोधन गराउनमात्र भएपनि गोर्खाहरु एक हुनुपर्ने उनको भनाई थियो ।

दुबै भेटमा अध्यक्ष केश बहादुर गुरुङ उपाध्यक्षद्धय भोज प्रसाद गुरुङ र भिम राई, महासचिव दिल जीसी, सहसचिव तेज राई, सल्लाहकारद्धय धन गुरुङ र तर्कजंग गुरुङ, एवं सदस्यहरु कृष्ण आले, भक्त गुरुङ, सन्त गुरुङ, विष्णु आले लगायतको सहभागिता रहेको थियो । कार्यक्रमको संयोजन फोक्स्टनका पुर्व काउन्सीलर एवं नेसा युकेका सल्लाहकार धन गुरुङले गरेका थिए । नेपाल भुतपुर्व सैनिक संघ नेपालको बेलायत शाखा नेसा युके बेलायत सुहाउंदो ‘ब्रिटिश गोर्खा नेपाल भुतपुर्व सैनिक संघ’ नामाकरण गर्ने प्रकृयामा रहेको छ ।

प्रतिक्रिया
सम्बन्धित खवर

न्यूयोर्क । न्युयोर्क राज्य संसदमा नेपाली मूलकी सराहना श्रेष्ठले उम्मेदवारी घोषणा गरेकी छिन् । सराहनाले न्युयोर्क राज्य संसदको तल्लो सदनमा

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी