एमाओवादीभित्र असन्तुष्टि चुलिंदै, तीन नेताले दिए राजीनामा

७ आश्विन २०६९, आईतवार ११:३८ मा प्रकाशित

काठमाडौं, ७ असोज । सत्ताको नेतृत्व गरिरहेको दल एनेकपा माओवादी सैद्धान्तिक धारबाट विचिलित भई ‘संसोधनवादी र दलाल’ कित्तामा उभिन पुगेको आरोपका साथ केही महिनाअघि मात्र मोहन वैद्यको नेतृत्वमा सो पार्टी ने विभक्त हुने पुगेको थियो । एमाओवादी नेतृत्वले भने आफूमाथिको उक्त आरोपलाई अस्वीकार गर्दै आएको छ । तर, सैद्धान्तिक विचलनको आरोप जतिसुकै इन्कार गरे पनि दिनप्रतिदिन एमाओवादीभित्रका असन्तुष्टि भने उजागर हुंदै आएका छन् ।
यसै क्रममा पार्टीका शीर्ष नेताहरूको शैली बुर्जुवा र सामन्ती हुँदै गएको तथा पिछडिएको वर्ग र क्षेत्रलाई उपेक्षा गरिएको भन्दै ४५ बुंदे मागका साथ एमाओवादीका तीन केन्द्रीय सदस्यले पदबाट राजीनामा दिएका छन् । आफूहरूले अघि सारेका माग पूरा नभए पार्टी नै छाड्ने चेतावनीसमेत उनीहरुले दिएका छन् । राजीामा दिनेहरुमा सेती–महाकालीबाट महाधिवेशन आयोजक समितिमा प्रतिनिधित्व गर्ने खगराज भट्ट, भीम कडायत र जगत पार्कीले अध्यक्ष पुष्पकमल दाहालसमक्ष राजीनामा बुझाएका हुन् ।
पार्टीभित्र भट्ट प्रधानमन्त्री भट्टराई पक्षधर, कडायत अध्यक्ष दाहाल पक्षका र पार्की उपाध्यक्ष श्रेष्ठ खेमाका हुन् । पार्टी एकीकरण हुँदा उनी श्रेष्ठसँगै एमाओवादीमा भित्रिएका थिए । राजीनामाको घटना १ असोजकै भए पनि एमाओवादी नेतृत्वले त्यसलाई गोप्य राखेको थियो थियो ।
उनीहरूको राजीनामा र अघि सारेका मागबारे अध्यक्ष दाहाल, प्रधानमन्त्री भट्टराई र उपाध्यक्ष नारायणकाजी श्रेष्ठले शनिबार प्रधानमन्त्रीनिवास बालुवाटारमा छलफल गरेका बुझिएको छ । छलफलमा असन्तुष्ट नेताहरूलाई पनि बोलाइएको थियो । उनीहरूले पार्टी र सरकारको नेतृत्वले अब पनि आफूहरूको माग सम्बोधन नगर्ने हो भने पार्टी नै छाड्ने चेतावनी दिएका छन् ।
‘राजनीनामा दिएका नेताहरुले सुदूरपश्चिमलाई हेर्ने काठमाडौंको दृष्टिकोण राणा, पञ्चायत हुँदै बहुदलीय व्यवस्था र अहिले गणतन्त्रसम्म आउँदा पनि परिवर्तन नभएको उल्लेख गरेका छन् । पिछडिएको वर्ग, क्षेत्र र लिंगको मुक्तिका कुरा गर्ने आºनो पार्टीको नेतृत्वमा सामन्ती र बुर्जुवा शैली हाबी हुनुका साथै सांस्कृतिक स्खलन भइरहेको भट्टले बताए । पार्टी र नेतृत्व सांस्कृतिक रूपमा स्खलित भइरहेको उनको दाबी छ ।
उपाध्यक्ष तथा प्रधानमन्त्री भट्टराईले केही विषयमा पार्टी र सरकारका तर्फबाट कमजोरी भएको, केहीमा ध्यान नपुगेको र केही अहिलेको जटिल परिस्थितिका कारण पूरा गर्न नसकिएको भनी दिएको जवाफलाई उनीहरुले ‘काइते तर्क’ को रुपमा बुझेको बताइन्छ । उनले सुदूरपश्चिम विकास आयोग र सहिद भीमदत्त पन्त स्मृति प्रतिष्ठान गठन गर्ने दुई काम साता दिनभित्रै गर्ने आश्वासन असन्तुष्ट नेताहरूलाई दिएका छन् ।
प्रधानमन्त्री भट्टराईको कार्यशैली ठीक नभएको भन्दै यसअघि नै भट्टसहित सेती–महाकालीका दर्जनौं उनीपक्षीय नेता–कार्यकर्ताले खेमा छाड्ने लिखित चेतावनी भट्टराईलाई दिएका थिए ।

प्रतिक्रिया
सम्बन्धित खवर

काठमाडौं । जनता समाजवादी पार्टी (जसपा) का अध्यक्ष उपेन्द्र यादवले आफ्नो नेतृत्वमा सरकारमा सहभागी नहुने बताएका छन् । यसअघि उपप्रधानमन्त्रीसहित

काठमाडौँ – साताको पहिलो र दोस्रो दिन उच्च अंकले घटेको शेयर कारोबार मापक नेप्से परिसूचक मंगलबार पनि घटेको छ ।

काठमाडौँ । यती एअरलाइन्सको भगिनी संस्था तारा एयरले आगामी असोज २३ देखि पोखरा–जोमसोम उडानलाई नियमित गर्ने भएको छ । विश्वका

काठमाडौं । सत्तारुढ पाँच दलीय गठबन्धनले नागरिक अगुवाबाट दुई जनालाई मन्त्री बनाउँने सहमति गरेका छन् । प्रतिगमन विरुद्वका आन्दोलनमा सक्रिय