माओवादीको सरकारलाई असोज काट्न नदिन राष्ट्रपति अग्रसर हुनुपर्ने ओलीको धारणा

७ आश्विन २०६९, आईतवार ०७:३० मा प्रकाशित

काठमाडौं, ७ असोज । मुलुकको निकासका लागि गैरएमाओवादीको नेतृत्वमा राष्ट्रिय सहमतिको सरकार बन्नुपर्ने नेकपा एमालेका नेता केपी शर्मा ओलीले बताएका छन् । यसका लागि राष्ट्रपति डा. रामवरण यादवले असोजभित्रै वर्तमान सरकारलाई हटाइ नयाँ सरकार बनाउन पहल गर्नुपर्ने आग्रह नेता ओलीले गरेका छन् ।
शनिबार काठमाडौं फर्कनुअघि विराटनगर विमानस्थलमा सञ्चारकर्मीसँग कुरा गर्दै नेता ओलीले अब बन्ने नयाँ सरकारको नेतृत्व नेपाली कांग्रेसले गर्ने बताउँदै नेपाली कांग्रेसमा प्रधानमन्त्री चयनमा धेरै विवाद हुने र प्रधानमन्त्रीको नाम समयमा पार्टी अध्यक्ष सुशील कोइरालाले सिफारिस नगरेमा एमालेबाट प्रधानमन्त्री बन्ने र सरकारको नेतृत्व गर्ने बताए।
वर्तमान सरकारको नेतृत्व गरेका प्रधानमन्त्री डा बाबुराम भट्टराईको कार्यशैली तानाशाही भएको आरोप लगाउँदै उनले संविधानसभाको विघटनदेखि हालसम्म मनपरि गरेको विचार व्यक्त गरे। राष्ट्रपति संविधानको संरक्षक र पालनकर्तासमेत रहेकाले छिटोभन्दा छिटो मुलुकलाई राजनीतिक निकास दिनुपर्ने उनले बताए।
प्रधानमन्त्रीले दलित र चेपाङसँग भेट्ने र रात बिताउने नाममा सरकारी ढुकुटीको व्यापक दुरूपयोग गरिरहेको आरोप उनको थियो। रासस

प्रतिक्रिया
सम्बन्धित खवर

खोटाङ । जन्तेढुङ्गा गाउँपालिका–५ चिसापानीका ३७ वर्षीय विज्ञान कोइरालालाई बेपत्ता भएको १९ वर्षपछि घर फर्काइएको छ । नेपालगञ्जमा भेटिनुभएका विज्ञानलाई

काठमाडौँ । नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले सरकारको नेतृत्व गर्नेहरु राष्ट्रिय हित विपरीतका गतिविधिमा लागेको आरोप लगाएका छन्

काठमाडौं । प्रधानमन्त्री केपी शर्मा ओली र जनता समाजवादी पार्टीका अध्यक्ष महन्थ ठाकुरलगायतका नेताहरुबीच छलफल भएको छ । प्रधानमन्त्री निवास

काठमाडौं । सत्ता समीकरणबारे नेपाली कांग्रेस र माओवादी केन्द्रसँग वार्ता चलिरहेका बेला जनता समाजवादी पार्टी (जसपा) का अध्यक्ष महन्थ ठाकुरले