एमाले अध्यक्ष भारत प्रस्थान

६ आश्विन २०६९, शनिबार १९:३६ मा प्रकाशित

काठमाडौं, ६ असोज । एमाले अध्यक्ष झलनाथ खनाल शनिबार भारत प्रस्थान गर्नुभएको छ । प्रवासी नेपाली संघ भारतको सातौँ सम्मेलनमा भाग लिन चारदिने भ्रमण कार्यक्रम मिलाएर उहां भारत जानुभएको बताइएको छ । अध्यक्ष खनालसँग पोलिटब्युरो सदस्य प्रकाश ज्वाला, पूर्व केन्द्रीय सदस्य प्रमेश हमाल र स्वकीय सचिव अधिकारी पनि त्यसतर्फ प्रस्थान गरेका छन् । भारतको मध्यप्रदेशस्थित भोपालमा आयोजना हुने प्रवासी नेपाली संघको सम्मेलनको उद्घाटन अध्यक्ष खनालको हातबाट आइतबार हुनेछ ।
भारत प्रस्थान गर्नुअघि सञ्चारकर्मीहरुसंग कुरा गर्दै अध्यक्ष खनालले बाबुराम भट्टराई नेतृत्वको सरकारले तत्काल बाटो खुला गरेर राजनीतिक सहमतिका लागि मार्ग प्रशस्त गर्नुपर्ने बताउनुभयो । ताजा जनादेशका लागि सबै दलहरु निर्वाचनमा जान तयार भइसकेको अवस्थामा अन्तरिम संविधानलाई ध्यान दिएर अगाडि बढ्नुपर्छ भन्दै उहांले ‘संविधानसभाको नयाँ निर्वाचन र राष्ट्रिय सहमतिको सरकारका विषयमा दलहरुबीच छिट्टै सहमति जुट्ने विश्वास व्यक्त गर्नुभयो ।
भारत बसाईका क्रममा त्यहांका उच्च नेताहरुसंग भेटघाट हुनेनहुने विषयमा भने खनालले प्रस्ट पार्नुभएन ।

प्रतिक्रिया
सम्बन्धित खवर

काठमाडौ ।नेपाली कांग्रेसको १४औं महाधिवेशनअन्तर्गत अहिले विभिन्न जिल्लामा पालिका तहको अधिवेशन जारी छ । शनिबारदेखि ५४ जिल्लामा पालिका तहको अधिवेशन

काठमाडौं । जसपा नेता डा. बाबुराम भट्टराईले पाँच ‘स’को सपना देखेर एकीकृत माओवादी त्यागेको ६  वर्ष पूरा भएको छ । संविधान

काठमाडौं । यदि संसद् सचिवालयमा कार्यरत एक महिलासँग अन्तरंग सम्बन्ध जोडिएको घटना सार्वजनिक नभएको कृष्णबहादुर महराले अहिले माओवादी केन्द्रमा ठूलै

काठमाडौं ।सत्तारुढ गठबन्धनको बैठकमा मन्त्रिपरिषद् विस्तारका लागि नयाँ मन्त्री नियुक्त गर्नुअघि राजनीतिक दलसम्बन्धी अध्यादेशबारे निर्णय गर्नुपर्ने सहमति भएको छ ।