मन्त्री बन्ने रहर छैन, अरुलाई पालो दिन्छु : उपेन्द्र यादव

१२ आश्विन २०७८, मंगलवार १५:५६ मा प्रकाशित

काठमाडौं । जनता समाजवादी पार्टी (जसपा) का अध्यक्ष उपेन्द्र यादवले आफ्नो नेतृत्वमा सरकारमा सहभागी नहुने बताएका छन् ।

यसअघि उपप्रधानमन्त्रीसहित महत्वपूर्ण मन्त्रालय पाए अध्यक्ष यादव आफै सरकारमा सहभागी बताइएको थियो । तर, प्रधानन्त्री शेरबहादुर देउवाले यसपटक उपप्रधानमन्त्री पद नै नराख्ने भएपछि यादव सरकारमा सहभागी हुनबाट पछि हटेका हुन् ।

उपप्रधानमन्त्री पद नै नभएपछि अध्यक्ष यादवले आफूलाई मन्त्री वा उपप्रधानमन्त्री बन्ने रहर नभएको बताएका छन् । उनले भने, ‘मलाई मन्त्री हुने रहर छैन, पार्टी संगठनकै काममा लाग्छु, पार्टीलाई व्यवस्थित बनाउनका तत्लिन हुन्छु, म पहिला नै उपप्रधानमन्त्री भइसकेको छु, यो पटक अरु नेताहरुलाई पालो दिन्छु ।’

यादव आफै सरकारमा सहभागी नहुने भएपछि नेता राजेन्द्र श्रेष्ठको नेतृत्वमा जसपा सरकारमा सहभागी हुनेछ । तर, अध्यक्ष यादवले आफू निकटका नेतालाई भने मन्त्री बनाउने भएका छन् । जसपा स्रोतका अनुसार नेता रामसहाय यादव र प्रदीप यादवलाई मन्त्री बनाउने यादवको तयारी छ ।

तत्कालिन राजपाबाट जसपामा आएका महेन्द्रराय यादव समेत मन्त्री हुने निश्चित छ । अध्यक्ष यादवले महेन्द्ररायलाई जसरी पनि मन्त्री बनाउने बचन दिइसकेका छन् । यस्तै प्रमोद साह, इस्तियाक राई, अमृता अग्रहरी, रेणु यादव, राजकिशोर यादव र रेणुका गुरुङसमेत मन्त्री बन्ने चर्चा छ ।

 

प्रतिक्रिया
सम्बन्धित खवर

काठमाडौं ।अन्ततः एमाले अध्यक्ष केपी ओलीले पार्टीका मै हुँ भन्ने सबै नेतालाई पूर्वमाओवादी नेता रामबहादुर थापा बादलको अन्डरमा रहने गरी

विराटनगर ।प्रदेश १ का मुख्यमन्त्री भीम आचार्यले विश्वासको मत लिन संसद्मा प्रस्ताव पेस गरेका छन् । प्रदेश १ प्रदेशसभाको नवौँ

काठमाडौं । विराटनगर विमानस्थल शनिबारदेखि सञ्चालनमा आउने भएको छ । बाढी पसेर बन्द भएको विमानस्थल दुई दिनसम्म उपकरणहरुको परीक्षणपश्चात विमानस्थल

काठमाडौं । पहिरोका कारण क्षतिग्रस्त बनेको मेलम्ची खानेपानी आयोजनाको पानी पुनःकाठमाडौँ उपत्यकामा कहिले आउँछ भन्नेमा अन्योल कायमै छ । राष्ट्रिय