लघुकथा “चोर कि हत्यारा” -राजु दाहाल

६ चैत्र २०६८, सोमबार ००:०९ मा प्रकाशित

“सहोदर बाबुद्धारा छोराको हत्या ।”

“आफ्नै बाबुद्धारा छोराको जघन्य हत्या ।”

यस्तै यस्तै हेडलाईनहरु थिए पत्रिकाको पहिलो पानाहरुमा ।

“के गर्नु अब संसारमा कसैको पनि बिश्वास नहुने भो । आफ्नै बाबुले छोरीलाई बलात्कार गर्ने, छोरालाई मार्ने
खै के के रु” यस्तै गनथन सुनाउँदै मैले एउटा पत्रिका उठाएँ ।

“ काठमाडौँ महानगरपालीका वडा नं ३६ बस्ने जस बहादुरले आफ्नो छोरालाई रिसको आबेशमा हिर्काउँदा १० बर्षिय छोराको घटनास्थलमै मृत्यु ‌‌‌‌‌‌‌” अगाडि पढ्न सकिन टाउको रिंगाएर आयो । पत्रिका त्यही फ्याँकेर घरतर्फ कुदेँ । जसबहादुर मेरो मिल्ने साथी, उस्को परिबारप्रतिको जिम्मेवारीबोध र माया बिशेष गरेर छोरा प्रतिको देखेर म छक्क पर्थेँ । उस्को छोरा उस्को जीवनको आधार, उस्को जिबन बाँच्नुको उदेश्य । त कसरी मार्न सक्छ उस्ले रु मलाई पटक्कै बिश्वास लागेन ।

हतार हतार म उस्को घरमा गएँ । उस्को घरमा घाटको माहोल थियो । जताततै चिच्याहट, कोलाहल……… केहि सोधपुछ पछि म उस्लाई राखेको थाना पत्ता लगाएर भेट्न गएँ । उस्लाई भेटेँ, उस्को अवस्था र हविगत देखेर मेरा आखाँ आँशुले भरिए ।
“ के भो जस, यो सब कसरी………..?”

“के गर्नु, यस्ता दिन पनि आउँदा रैछन् यार । एउटा महङ्गो कलम ल्याएको थिएँ, म एकछिन लेख्छु भनेर लगेको थीयो । पछि माग्दा हराएछ, रिसले दुई थप्पर लाको ………….।” -भक्कानिएर अगाडि बोल्न सकेन उ ।

मैले आशुँ पुछ्ने बहानामा पछाडी फर्केर सर्टको खल्तीको कलम पाईन्टमा घुसारेँ । जुन हिजो बिहान उस्को घरमा जाँदा टेबलबाट उठाएको थिएँ ।

उ भक्कानिदैँ धेरै कुरा बोल्दै थियो । क्रमशः मेरा कानबाट उस्को आवाज टाढिदैँ थियो । अकस्मात गाडीको हर्नले मलाई बाहिर सडकमा आईपुगेको ज्ञात भयो ।

पसिनाले लथपथ हात त्यही कलम च्यापिरहेको थियो ।

प्रतिक्रिया
सम्बन्धित खवर

काठमाडौं । राष्ट्रपति विद्यादेवी भण्डारीले नेपाली वाङ्‍मय क्षेत्रका विभिन्न व्यक्तित्वलाई विभिन्न प्रज्ञा पुरस्कार प्रदान गर्नुभएको छ । नेपाल प्रज्ञा-प्रतिष्ठानद्वारा राष्ट्रपति

काठमाडौं । नेपाली साहित्यका आदिकवि भानुभक्त आचार्यको २०८औँ जन्मजयन्ती आज देश तथा विदेशका विभिन्न स्थानमा समेत विविध कार्यक्रमको आयोजना गरी

काठमाडौं । साहित्यकार डा वानीरा गिरिको गए राति कोरोना सङ्क्रमणले निधन भएको छ । काठमाडौँ बानेश्वरस्थित निजामती अस्पताल पु¥याइएको आधा

काठमाडौं । संयुक्त राज्य अमेरिकामा बसेर साहित्य लेखनमा सक्रिय नेपाली स्रष्टा सुकृति शर्माले नयाँ कथासंग्रह ‘सत्र पुष्प पत्रहरु’बाट ५ हजार