जातीयताको सवालमा हाम्रो पार्टीले गल्ती गरेकै हो : एमाओवादीका प्रवक्ता

५ आश्विन २०६९, शुक्रबार ०९:४६ मा प्रकाशित

काठमाडौं, ५ असोज । एमाओवादीका प्रवक्ता अग्नी सापकोटाले नयाँ बन्ने सहमतिको सरकारको नेतृत्वको लागि आफ्नो पार्टीको पनि दावी रहने घोषणा गरेका छन् । विगतका सहमतिका आधार भत्किएको तर्क गर्दै उनले कांग्रेसको नेतृत्वमा सहमतिको सरकार बन्छ भनेर ग्यारेन्टी गर्न नसक्ने बताए । राजधानीमा आयोजित एक कार्यक्रममा उनले अहिलेकै अवस्थामा एमाओवादीका अध्यक्ष पुष्पकमल दाहाल प्रचण्डले भने नेतृत्वको लागि दावी नगर्ने स्पष्ट पारे ।

उनले भने– ‘मुलुक पाँच बुँदे सहमति अनुसार नगएकाले काग्रेसकै नेतृत्वमा सरकार बन्छ भन्ने ग्यारेन्टी छैन । बाबुरामजीलाई कांग्रेसले नमान्ने अनि कांग्रेसका रामचन्द्र र शेरबहादुरजीलाई हामीले किन मान्ने ? कुनै बाध्यता छैन । पहिलाको सहमतिको आधार भत्किसकेकोले अब माओवादी, कांग्रेस, एमाले र मधेसी मोर्चा जसले पनि नेतृत्व लिन सक्छ ।’

चार दलले तयार पार्ने सहमतिको दस्तावेजमा सबै दलहरुले छलफल गरेर राष्ट्रपतिमार्फत बाधाअडकाउ फुकाउन लगाएर निर्वाचनमा जानुपर्ने उनको धारणा थियो ।

नयाँ निर्वाचित जनप्रतिनिधीहरुले संविधानका बाँकी रहेका विवादित विषयमा छलफल गरेर संविधान जारी गर्नु पर्ने भन्दै विघटित संविधानसभाले गरेका छलफल र तयार पारेको दस्तावेजहरु महत्वपूर्ण सम्पत्ती भएको सापकोटाले बताए । उनले ‘ड्यास माओवादी’ले भनेजस्तो सर्वपक्षीय गोलमेच सम्मेलन मुलुकलाई फेरि १७ वर्ष पछि फर्काउने षडयन्त्र भएको दाबी गरे । जातीयताको विषयमा पार्टीले गल्ती गरेको स्विकार गर्दै सापकोटाले अब जातीयताको नारालाई छाडेर बर्गिय कुरालाई अगाडि बढाउनु पर्ने धारणा राखे ।

प्रतिक्रिया
सम्बन्धित खवर

दक्षिण पश्चिम चीनको तिब्बत स्वायत्त क्षेत्रको उच्च उचाई भएका स्थानहरूबाट नाग्कु शहरमा कूल १७ हजार ५५५ व्यक्तिलाई टाढा सारिने तिब्बती

गृहमन्त्री बालकृष्ण खाणले संसद्मा विचाराधिन रहेको नागरिकता विधेयकलाई दलको सहमतिमा अघि बढाउने प्रयत्नमा सरकार लागेको बताउनुभएको छ । विधेयक अघि

काठमाडौं । नेपालले अमेरिकालाई अमेरिकाको ‘स्टेट पार्टनरसिप प्रोग्राम’ एसपीपीमा आबद्ध नहुने निर्णय पठाएको छ । गृहमन्त्री वालकृष्ण खाँणका अनुसार एसपीपीमा

काठमाडौं । नेकपा एमालेका महासचिव शंकर पोखरेलले नेपाली काँग्रेस नेतृत्वको गठबन्धनबाट समाजवाद सम्भव नुहने बताएका छन् । सोमबार नरबहादुर कर्मचार्य

आजको प्रमुख समाचार