गैरकानूनी ‘सेटिङ’ मिलाएर विदेश पठाउने गिरोह प्रहरी फन्दामा

४ आश्विन २०६९, बिहीबार १८:२८ मा प्रकाशित

काठमाडौं, ४ असोज । बानेश्वरस्थित केल्भिन ट्राभल्स एण्ड टुर्स प्रा.लि.मा केन्द्रीय अनुसन्धान ब्यूरोबाट खटिएको प्रहरी टोली, वैदेशिक रोजगार विभाग र अध्यागमन विभाग समेतको संयुक्त टोलीले असोज ३ गते छापा मारी वैदेशिक रोजगार विभागमा सेटिङ मिलाई गैरकानुनी तवरबाट बिदेश पठाई सर्वसाधारणलाई ठगी गर्ने गिरोहका चार जनालाई पक्राउ गरेको छ ।
पक्राउ पर्नेहरुमा काठमाडौं मालीगाउँ बस्ने मोरङ जिल्ला बिराटनगर उपमहानगरपालिका–१५ जनपथ बस्ने २९ वर्षीय जगत न्यौपाने, काठमाडौं गोंगबु–४ बस्ने पाँचथर जिल्ला कम्पुटार–४ ठेगाना भएका ५० वर्षीय शिवप्रसाद रेग्मी, ललितपुर थसिखेल बस्ने मोरङ जिल्ला बिराटनगर उपमहानगरपालिका–२ तीनपैनी ठेगाना भएका ४० वर्षीय अमित भन्ने अरुणकुमार वर्मा र काठमाडौं महानगरपालिका–३४ बस्ने भोजपुर जिल्ला हेलउछा–६ ठेगाना भएका ३० वर्षीय उमेशकुमार विष्ट रहेको प्रहरीले जनाएको छ ।
उनीहरुको साथबाट गैरकानुनी रुपमा संकलन गरिएका राहदानी १ सय ४१ थान, नक्कली भिसा, स्वास्थ्य परिक्षण फारम, विभित्र छापहरु, नक्कली भिसा बनाउन प्रयोग गरिएका उपकरणहरु, इन्सुरेन्स कम्पनीका खाली फारामहरु लगायत अन्य कागजातहरु समेत वरामद गरी थप आवश्यक अनुसन्धान तथा कानुनी कारवाहीको लागि वैदेशिक रोजगार विभाग तीनकुने पठाइएको बताईको छ ।

प्रतिक्रिया
सम्बन्धित खवर

अमेरिकामा सङ्क्रमण फैलिने क्रम चलिरहे पनि खोप लगाउने दर भने कम भएको छ । खोप लगाउनेहरुको सङ्ख्या बढाउन अमेरिकाले नयाँ

काठमाडौं । नेपालमा पछिल्लो २४ घण्टामा ३ हजार ६११ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या

काठमाडौं । नेकपा एमालेका महासचिव ईश्वर पोखरेलले माधवकुमार नेपाल पक्षलाई धेरै प्रतीक्षा गर्न उचित नहुने बताएका छन् । शुक्रबार पार्टी

काठमाडौं । नेकपा एमालेका उपाध्यक्ष एवं सांसद भीम रावलले मिलेनियम च्यालेन्स कर्पोरेसन (एमसीसी) सम्झौता संशोधनपछि मात्र पारित गर्न माग गर्नुभएको