डब्लुएचओका महानिर्देशक टेड्रोस अफगानिस्तानमा

५ आश्विन २०७८, मंगलवार १५:३० मा प्रकाशित

एजेन्सी/ विश्व स्वास्थ्य संगठन (डब्लुएचओ) का प्रमुख तथा महानिर्देशक टेड्रोस अडानोम गेब्रियसस अफगानिस्तान पुगेका छन् । अफगानिस्तानको स्वास्थ्य क्षेत्रमा रहेका पूर्वाधार अवलोकन गर्न उनी अफगानिस्तान गएका हुन् ।

टेड्रोसले कोभिड महामारी, पोलियो भ्याक्सिनेसन अभियान, आपत्कालिन स्वास्थ्य सुरक्षा क्षेत्रको महत्व लगायत बिषयमा तालिवानका अधिकारिहरूसँग छलफल गर्ने कार्यतालिका छ ।

कोभिड महामारीबीच राजधानी काबुल पुगेका टेड्रोसले डब्लुएचओले अफगानिस्तानको स्वास्थ्य क्षेत्रमा पुर्याउँदै आएको सहयोगलाई निरन्तरता दिने विषयमा समेत छलफल गर्ने अफगानिस्तानका स्वास्थ्यमन्त्री डा. वाजिद मजरुह्ले बताए । यसबीच मजरुह्ले स्वास्थ्यमन्त्रीका रुपमा आफ्नो कार्यकाल मंगलबार सकिने ट्वीटरमार्फत जानकारी दिएका छन् ।

टेड्रोस डब्लुएचओको पूर्वी भूमध्य क्षेत्रीय कार्यालयका निर्देशक अह्मद अल मन्धारीसँग अफगानिस्तान पुगेका हुन् ।

अफगानी नागरिकको स्वास्थ्य सुरक्षा डब्लुएचओको प्राथमिकतामा रहेको बताउँदै टेड्रोसले त्यहाँका कर्मचारी, स्वास्थ्यकर्मी र तालिबानी नेताहरूसँग भेटघाट गर्ने कार्यक्रम रहेको बताए ।

तालिवानद्वारा सत्ता कब्जापछि अफगानिस्तान पुग्ने उनी संयुक्त राष्ट्र संघका पहिलो उच्च अधिकारी हुन् । साथै उनले प्यान अमेरिका हेल्थ अर्गनाइजेसन (पीएएचओ) काउन्सिलको ५९औं भर्चुअल कार्यक्रममा पनि काबुलबाटै सहभागिता जनाए । पीएएचओले उत्तर तथा दक्षिण अमेरिकाका मानिसको स्वास्थ्य अवस्थाको सुधार तथा सुरक्षाका लागि काम गर्दै आएको छ।

प्रतिक्रिया
सम्बन्धित खवर

वासिङटन ।अमेरिकी सिनेटका सदस्य तथा डेमोक्रेटिक पार्टीका एक वरिष्ठ नेताले राष्ट्रपति जो बाइडेनको समर्थन रहेको बृहत् खर्च योजनालाई आर्थिक सहयोग

एजेन्सी । चीनले पहिलो पटक समुद्रभित्र विस्फोटक परीक्षण गरेको छ । अमेरिकासँग वास्तविक युद्ध भएमा उसको बन्दरगाह ध्वस्त पार्न यस्तो

एजेन्सी । उत्तर कोरियाले आफ्ना नागरिकहरुलाई थोरै खान निर्देशन दिएको छ । सन् २०२५ मा चीनसँगको सिमा नखुल्दासम्म उत्तर कोरियाले

आज अक्टोबर २८ । आज विश्व इतिहासमा विभिन्न सामाजिक तथा राजनीतिक घटनाक्रम विकसित भएका थिए । प्रस्तुत छ आज भएका