रक्षक नै भक्षक भएपछि…

२ आश्विन २०६९, मंगलवार २०:५३ मा प्रकाशित

काठमाडौं, २ असोज । जनतालाई सुरक्षाको प्रत्याभूति दिने जिम्मेवारी बोकेका प्रहरी नै सर्वसाधारणबाट धम्क्याएर रकम असुली धन्दामा लिप्त बनेपछि आम जनताले के गर्ने ? यस्तै घटना राजधानीमा घटेको छ । सुरक्षा निकायको परिचय पत्र देखाई धम्की दिएर बन्धक बनाई रकम न्यूरोडका व्यापारीहरुबाट असुली गर्ने गिरोहलाई नेपाल प्रहरीको केन्द्रीय अनुसन्धान ब्युरोले पक्राउ गरेको छ। पक्राउ परेका मध्ये तीनजना सशस्त्र प्रहरीका हवल्दार र एक जना सशस्त्र प्रहरीका जवान रहेको बताएको छ।
सशस्त्र प्रहरीहरुसहित घटनामा संलग्न ७ जनालाई प्रहरीले मंगलबार पक्राउ गरी अपहरण तथा शरीर बन्धक ऐन अन्तर्गत आवश्यक कारवाहीको लागि महानगरीय प्रहरी परिसर काठमाडौँ पठाइएको छ। पक्राउ परेकामा सशस्त्र प्रहरी बल,गुहेश्वरी गण दुवाकोट भक्तपुरमा कार्यरत वर्ष २९ का सशस्त्र प्रहरी हवल्दार गीरबहादुर पाण्डे, सोही गणमा कार्यरत वर्ष ३४ का सशस्त्र प्रहरी सहायक हवल्दार रामबहादुर खत्री र वर्ष ३४ का सशस्त्र प्रहरी सहायक हवल्दार हरिकुमार थापा, वर्ष २१ का सशस्त्र प्रहरी जवान खेमराज गुरुङ रहेका छन्।

त्यसैगरी महादेबटार गाबिस वडा नं ८ गंगबु बस्ने २८ वर्षका निरज थापा, लम्जुङ कुन्छा गाबिसवडा नं।३ कुन्छा घर भई हाल वडा नं २२ गल्कोपाखा डेरा गरी बस्ने २२ वर्षका अनिल मिश्र र महादेबटार गाबिस वडा नं। ८ गंगबु बस्ने २३ वर्षका युगल पौडेल पनि पक्राउ परेका छन्।

प्रतिक्रिया
सम्बन्धित खवर

काठमाडौं । भारत भ्रमणमा रहेका पूर्वराजा ज्ञानेन्द्र शाहले नयाँ वर्ष २०७८ को शुभकामना सन्देश दिएका छन् । शुभकामना सन्देशमा पूर्व

काठमाडौँ । राष्ट्र बैङ्ककी निर्देशक सुष्मा रेग्मी रिजाललाई कारागार पठाइएको छ । ज्येष्ठ नागरिक सम्बन्धी कसुर मुद्दामा काठमाडौँ जिल्ला अदालतको

काठमाडौ । कुम्भ मेलामा सहभागी हुन भारतको हरिद्वार पुगेका पूर्वराजा ज्ञानेन्द्र शाह शाही स्नानको रथयात्रामा सहभागी भएका छन् । भारतको

भक्तपुर । मध्यपुरथिमि नगरपालिका बोडेमा हरेक नयाँ वर्षको वैशाख २ गते मनाइने प्रसिद्ध ‘जिब्रो छेड्ने जात्रा’ मा यस वर्ष आठाँै