प्रधानमन्त्रीले दिए राष्ट्रपतिलाई ‘चेतावनी’

२ आश्विन २०६९, मंगलवार ०७:४० मा प्रकाशित

काठमाडौं, २ असोज । प्रधानमन्त्री बाबुराम भट्टराईले कार्यकारी अधिकार मन्त्रीपरिषदमा रहेको भन्दै राष्ट्रपतिले संवैधानिक दायरामा बस्नुको विकल्प नभएको धारणा अघिसारेका छन् । जारी गतिरोध अन्त्यका लागि राष्ट्रपति रामवरण यादवले दलहरुलाई झक्झक्याइरहेको बेला प्रधानमन्त्री भट्टराईले ‘संवैधानिक दायर नमिच्न’ ध्यानाकर्षण गराएका हुन् ।
पोखरा विश्वविद्यालयको १३ औं साधारणसभाको उद्घाटन गर्न सोमबार पोखरा पुगेका भट्टराईले विमानस्थलमा सञ्चारकर्मीसंग कुरा गर्दै आवश्यक विषयमा मात्र अध्यादेश पठाइएकोले राष्ट्रपतिले स्वीकृत गर्नैपर्ने अभिव्यक्ति दिएका थिए । प्रतिपक्षी दलहरुले सहमतिविना नै सरकारले राज्य सञ्चालन गर्न खोजेको आरोप लगाइरहेका बेला राष्ट्रपतिले चाहिं दलहरुलाई सहमति जुटाउन आग्रह गर्दै आएका छन् । व्यवस्थापिका संसद नरहेको बेला अध्यादेशमार्फत् राज्य सञ्चालन गर्नु सरकारको बाध्यता रहेको तर्क गर्दै प्रधानमन्त्री बाबुराम भट्टराईले राष्ट्रपतिले संवैधानिक दायरा नाघेर बाहिर जान नमिल्ने दोहोरयाए । विश्लेषकहरुले प्रधानमन्त्रीको यस्तो अभिव्यक्तिलाई राष्ट्रपतिप्रति ‘सक्रिय नहुन’ दर्शाइएको चेतावनीका रुपमा टिप्पणी गरेका छन् ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार