भट्टराई नेतृत्व सरकारले पार्टीलाई गंभिर असर पुर्याएको बादलको आरोप

५ चैत्र २०६८, आईतवार १८:१७ मा प्रकाशित

काभ्रे, ५ चैत । एकीकृत नेकपा माओवादीका महासचिव राम बहादुर थापा बादलले प्रधानमन्त्री बाबुराम भट्टराई नेतृत्व सरकारले पार्टीलाई असर पु¥याएको बताउनु भएको छ । एकीकृत नेकपा माओवादी सम्बद्ध एकीकृत अखिल नेपाल जनसांस्कृतिक महासंघले काभ्रेको अनैकोट गाविसमा आयोजना गरको प्रतिरोध दिवस कार्यक्रमलाई सम्बोधन गर्दै उहाँले यस्तो बताउनुभएको हो । अहिलेको सरकार आफुहरुले आशा गरे भन्दा ठीक विपरीत हिडिरहेको बताउँदै उहाँले सरकार काम चलाउका रुपमा पुगिसकेको ठोकुवा गर्नुभयो । पार्टीभित्र घुसखोरी र नोकरशाही पूजीँपति वर्गहरुको हाबी हुन थालेको भन्दै उहाँले माओवादीको नाममा जनतालाई ठग्ने गतिविधि आफूहरुलाई कुनै पनि हालतमा मान्य नहुने बताउँनुभयो । महासचिव बादलले शान्ति र संविधान नेपाली जनताको मूख्य आधार रहेको दाबी गर्दै त्यसका लागि माओावादी सेवक भन्न तयार रहेको बताउँनुभयो । एक अर्को प्रसंगमा बादलले सहितहरुको सपना अझै पुरा भइ नसकेकाले फेरी एकपटक सबै जुर्मुाराउनु पर्ने बेला भइसकेको बताउनुभयो । विक्रम संवत् २०५५ साल चैत ५ गते काभ्रेको अनैकोट गाविसका घरमा सुतिरहेका गुम्बा सिंह तामाङ, च्याङबा लामा, चिनीमाया लामा, सुबद्रा सापकोटा, निर्मला देवकोटा, मञ्जु कुवँर र डम्बर श्रेष्ठसहित ७ जना कलाकारहरुलाई प्रहरीले गोली हानी हत्या गरेको दिनको सम्झनामा माओवादीले हरेक बर्ष प्रतिरोध दिवस मनाउदै आइरहेको छ ।

प्रतिक्रिया
सम्बन्धित खवर

काठमाडौँ । बझाङकी हेवन उपाध्याय ‘खामोशी विथ लाइफ’को अन्तर्राष्ट्रिय विजेता बनेकी छिन् । बहिरा व्यक्तिहरूको सीप, क्षमता र कौशलता प्रदर्शन

लण्डन । बेलायतमा लामो समयदेखि बस्दै आउनुभएकी कवयित्री प्रतिभा केसी यस वर्ष अनेसास सुप्रमा इप्रमा पुरस्कारबाट सम्मानित हुनुभएको छ ।

काठमाडौं । साउन १५ गते आज नेपाली समाजमा खिर खाएर मनाइँदै छ । वर्षा ऋतुका बेला असार १५ गते दही,

काठमाडौं । राष्ट्रियसभाको प्रत्यायोजित व्यवस्थापन तथा सरकारी आश्वासन समितिले रोजगार अनुमति प्रणाली (इपिएस)अन्तर्गत भाषा र सीप परीक्षा उत्तीर्ण युवाहरु डेढ