गण्डक बांध भत्किने खतरा

१ आश्विन २०६९, सोमबार १९:२० मा प्रकाशित

काठमाडौं, १ असोज । अविरल वर्षासँगै नारायणी नदीमा पानीको बहाव बढ्दै जाँदा पुनः गण्डक बाँधअन्तर्गतको १२ नं ठोकर भत्किने खतरा देखिएको छ। अहिले नारायणी नदीमा पानीको सतह करिब तीन लाख क्युसेक नाघेको छ। यसरी नै लगातार पानीको बहाव बढ्दै जाने हो भने बाँध फुट्ने खतरा रहेको गण्डक सङ्घर्ष समितिका सहसचिव शैलेन्द्रकुमार गुप्तालाई उद्धृत गर्दै राससले जनाएको छ ।
एक महिनाअघि वर्षाका कारण नारायणी नदीमा पानीको बहाव बढ्दै गएपछि १२ नम्बर ठोकरको मुख्य अघिल्लो भाग पूर्ण रुपमा क्षति भएको थियो। भारत सरकारले ठोकरमा सामान्य तारजाली र बोरामा बालुवा राख्ने काम मात्र गरेको थियो। क्षति भएको ठोकर भारतले प्रभावकारी रूपमा मर्मत नगरेकाले नदीमा पानीको बहाव बढ्ने हो भने अझै पूर्ण रुपमा क्षति हुने गण्डक सङ्घर्ष समितिका अध्यक्ष रामवरण केवटले बताए।
बाँध भत्किए नेपालका दर्जन गाउँ तथा भारतका सयौँ गाँउ बाढीको चपेटामा पर्ने निश्चित छ। यसबारे भारतीय सरकारलाई मर्मत काम अझ प्रभावकारी बनाउन पहल गरिएको जिल्ला प्रशासन कार्यालय नवलपरासीका प्रशासकीय अधिकृत प्रदीपज्योति श्रेष्ठले बताए।

प्रतिक्रिया
सम्बन्धित खवर

काठमाडौं । भ्रष्टाचार गरेको आरोपमा निलम्बित सहसचिव चुडामणि शर्मा विशेष अदालतमा उपस्थित भएका छन् । कर फर्छ्यौट आयोगका सदस्य सचिव

काठमाडौं ।सत्तारुढ दल नेपाली कांग्रेसको १४औं महाधिवेशन नजिकिँदै गर्दा प्रवक्ता विश्वप्रकाश शर्माले महामन्त्री पदमा प्रतिस्पर्धा गर्ने घोषणा गरेका छन् ।

काठमाडौं ।प्रमुख प्रतिपक्षी दल नेकपा एमालेले प्रतिनिधिसभा बैठकमा दिनदिनै नाराबाजी गरेर निहुँ खोज्न थालेपछि सभामुख अग्निप्रसाद सापकोटाले ‘एक्सन’ थालेका छन्

न्यूयोर्क । परराष्ट्रमन्त्री डा. नारायण खड्काले नेपाली समय अनुसार आज मध्यरातमा राष्ट्रसंघीय महासभामा सम्बोधन गर्ने भएका छन् । परराष्ट्र मन्त्रालयका