परेवा चोर्न जांदा भुतुक्कै

कैलाली, १ असोज । धनगढी नगरपालिका–१ फुलवारी बसपार्कस्थित दुर्गासिंह कार्कीको घरमा परेवा चोरी गर्न पुगेका एक समूहमध्येका एकको घरको छतबाट खसेर मृत्यु भएको छ । घरवालाले थाहा पाएको आशंकामा छतबाट फाल हानेर भाग्नखोज्दा ११ बर्षीय उमेश चौधरीको मृत्यु भएको प्रहरीले जनाएको छ । गम्भीर घाइते भएका उनलाई उपचारको लागि सेती अंचल अस्पताल लगिएकोमा उपचारकै क्रममा मृत्यु भएको थियो ।

यसैगरी काठमाडौं महानगरपालिका–१७ खुशिबु टाउन प्लानिङ डेरा गरी बस्ने रामेछाप घर भएकी १७ वर्षीया मालती बुढाथोकीले आफ्नै कोठामा सिलिङमा सल र डोरीको पासो लगाई आत्महत्या गरेकी छिन् । उनको आत्महत्यासंग जोडिएको आशंकामा सोधपुछको लागि काठमाडौं महानगरपालिका–२९ लैनचौर २८ वर्षीय रुपक श्रेष्ठलाई प्रहरीले नियन्त्रणमा लिएको छ ।