बाटो विस्तारको कामलाई निरन्तरता दिन विकास समितिको निर्देशन

५ चैत्र २०६८, आईतवार १८:११ मा प्रकाशित

काठमाडौ, ५ चैत । व्यवस्थापिका संसदको विकास समितिले काठमाण्डू उपत्यकामा भएको सडक विस्तार कार्यलाई निरन्तरता दिन तथा सडक विस्तार गर्दा प्रचालित कानून अनुसार क्षतिपूर्ति दिन सरकारलाई निर्देशन दिएको छ । संसद सचिवालय सिंहदरबारमा आज बसेको बैठकले सडक विस्तारका लागि भत्काइएका संरचना पुर्ननिर्माणको कार्ययोजना अबिलम्ब बनाउनपनि सरकारलाइ भनेको छ । विकास समितिले देशका सबै शहरी र नगर क्षेत्रमा वस्ती विकासको संभावनालाइ हेरेर पुर्वाधार र गुरुयोजना निर्माण गर्न सरकारलाइ निर्देशन दिने निर्णय गरेको सभापति जितेन्द्र सोनले जानकारी दिनुभयो । बैठकमा भौतिक योजना तथा निर्माण मन्त्री हृदयश त्रिपाठीले राजधानीमा भइरहेको सडक विस्तारको काम जारी रहने र विस्तारमा समितिवाट सहयोगको अपेक्षा गरेको बताउनुभयो । उहाँले निजि सम्पत्ति भत्काउनु अगावै कानून सम्मत क्षतिपूर्ती दिने निर्णय भइसकेकोले क्षतिपूर्ती दिनेमा आशंका नगर्न आग्रह गर्नुभयो । सभासदहरुले पनि सरकारले सुरु गरेको सडक विस्तार अभियान सकारात्मक भएको बताउदै कानून अनुसार क्षतिपूर्ती दिनुपर्ने बताएका थिए । विकास समितिले मापदण्ड विपरित नक्सा पास गर्ने स्थानिय निकायका प्राविधिकलाई कसरी कार्वाही गर्नपनि निर्देशन दिएको छ । विकास समितिले काठमाण्डूलाई तराइसंग जोडने फाष्ट ट्रयाकको प्रगतिवारे स्थलगत अवलोकन गर्ने निर्णय गरेको छ ।

प्रतिक्रिया
सम्बन्धित खवर

काठमाडौँ । सुनचाँदी बजारमा आज छापावाल सुनको मूल्य प्रतितोला दुई सय ले बढेर रु ९७ हजार एक सय तोकिएको छ

काठमाडौँ । सुनचाँदी बजारमा आज छापावाल सुनको मूल्य प्रतितोला रु ९५ हजार ६०० तोकिएको छ । अघिल्लो दिन प्रतितोला रु

पर्सा । पालको मुख्य प्रवेशद्वार र देशकै प्रमुख व्यपारिक नाका वीरगञ्जलाई प्रयोग गरी भारत तथा तेस्रो मुलुकतर्फ हुने नेपाली वस्तुको

धितोपत्र बजारमा शेयर कारोबार मापक नेप्से परिसूचक आज पनि दोहोरो अङ्कले ओरालो लागेको छ । नेपाल स्टक एक्सचेञ्जका अनुसार नेप्से