अपहरित भारतीयको उद्धार

३१ भाद्र २०६९, आईतवार २०:१७ मा प्रकाशित

बर्दिवास, ३१ भदौ । नेपाल प्रहरीले महोत्तरी जिल्लाको फुलहट्टापरिकौली गाविसको आगेपुर पुलनजिकबाट आज १६ दिन पहिले अपहृत एक भारतीयलाई उद्धार गरेको छ । यही भदौ १६ गते आफ्नै गाउँ भारतको सीतामढी जिल्लामा पर्ने महादेवपट्टी ग्राम पञ्चायत—३ बाट अपहरणमा परेका ३६ वर्षीय लक्ष्मी मुखियालाई जिल्ला प्रहरी कार्यालय महोत्तरीको नियमित गस्ती टोलीले भिठ्ठामोर जनकपुर सडकमा पर्ने आगेपुर पुलनजिकबाट आज बिहान उद्घार गरेको हो ।
हातखुट्टा बाँधेर पुलमुनि लडाइएको अवस्थामा मुखियालाई उद्धार गरिएको जिप्रका महोत्तरीका प्रहरी निरीक्षक सुरज खड्काले जानकारी दिनुभयो । अपहरणकारी भने प्रहरीको भ्यान देखेर मुखियालाई छाडेर भागेको बताइएको छ । उद्धारपछि सामान्य अवस्थामा फर्केका मुखियाले आफूलाई गाउँका आफन्तले नै रु ५० हजार माग गर्दै सेप्टेम्बर १ का दिन जबर्जस्ती समातेर आँखामा पट्टी बाँधी निक्कै हिँडाएको बताएको प्रहरीले जनाएको छ । उद्घार गरिएका मुखियालाई आजै जिल्लाको सीमावर्ती भारतीय बेला थानाका प्रभारीलाई जिम्मा लगाइएको पनि खड्काले बताउनुभयो । उद्घार गरिएका मुखियाको गाउँ जिल्लाको इटहर्वाकट्टी गाविससँग सीमा जोडिएको भारतीय बस्ती भएको प्रहरीले बताएको छ । रासस

प्रतिक्रिया
सम्बन्धित खवर

सर्लाही । सर्लाहीको ब्रह्मपुरी गाउँपालिका–३ भेल्हीस्थित निजी पोखरीमा डुबेर मृत्यु भएको अवस्थामा नौ दिनको शिशुसहित तीन जनाको शव फेला परेको

काठमाडौं । सिन्धुलीगढीमा नेपाली सेनाले शुरु गरेको युद्ध सङ्ग्रहालयको निर्माण सम्पन्न भएको छ । युद्ध सङ्ग्रहालयको आज राष्ट्रपति विद्यादेवी भण्डारीले

काठमाडौं । चितवनमा दैनिक पाँच हजार रुपैयाँ दिएर यौन धन्दामा लगाइएका १० जनाको उद्धार गरिएको छ । प्रहरीका अनुसार चितवनको

काठमाडौं । पूर्वसभामुख कृष्णबहादुर महराले उच्च अदालतबाट पनि सफाइ पाएका छन् । जवर्जस्ती करणी उद्योग मुद्दामा अदालतले सफाइ दिएको हो