फेरि सुरु भयो माओवादीको चन्दा आतंक

३१ भाद्र २०६९, आईतवार १९:५० मा प्रकाशित

काठमाडौ, ३१ भदौ । मागेजति चन्दा नदिएकोभन्दै एमाओवादी निकट अखिल क्रान्तिकारीका विद्यार्थीहरुले आयतबार कञ्चनपुर सदरमुकामका दुई निजी विद्यालयमा तोडफोड गरी लाखौंको क्षति पुर्‍याएका छन्। फ्लोरिडा बोर्डिङ स्कुल र प्रभात विद्या निकेतन नामक स्कूलले चन्दा नदिएको भन्दै उनीहरुले तोडफोड मच्चाएको राससले जनाएको छ ।
अखिल क्रान्तिकारीका चन्द्रकान्त भट्टको नेतृत्वमा रहेका दुई दर्जनजति विद्यार्थीको समूहले विद्यालयमा तोडफोड गरेको जिल्ला प्रहरी कार्यालय कञ्चनपुरले जनाएको छ। प्रहरीका अनुसार फ्लोरिडामा विद्यार्थीहरुले दुई गाडी, कम्प्युटर, फर्निचर, ल्यापटप, दुई बस, फोनलगायतका सम्पत्ति तोडफोड गरेका छन् भने प्रभात विद्या निकेतनमा कम्प्युटर, कुर्सी, टेबुल र फोन तोडफोड गरेर क्षति पुर्‍याएका छन्। तोडफोडबाट दुवै विद्यालयमा लाखौंको क्षति भएको बताइएको छ।
बिहान नौं बजे चन्दा माग्न विद्यालय पुगेको विद्यार्थीहरुको समूहले मागे अनुसारको चन्दा विद्यालयले दिन नसक्ने जनाएपछि तोडफोड गरेको फ्लोरिडाका प्राचार्य निशा भट्टलाई उद्धृत गर्दै राससले जनाएको छ । जिल्ला प्रहरी कार्यालयबाट दुबै विद्यालयबाट ५०० मिटरको दूरीमा मात्रै रहेपनि प्रहरी भने तोडफोड भएको आधा घण्टा ढिलो गरी पुगेको विद्यालयका शिक्षकहरुले बताएका छन्। प्रहरी नायव उपरीक्षक विर्खबहादुर रावलले तोडफोडमा संलग्न भएकाहरुको खोजी गर्न प्रहरी परिचालन गरिएको बताए। रासस

प्रतिक्रिया
सम्बन्धित खवर

काठमाडौं । भ्रष्टाचार गरेको आरोपमा निलम्बित सहसचिव चुडामणि शर्मा विशेष अदालतमा उपस्थित भएका छन् । कर फर्छ्यौट आयोगका सदस्य सचिव

काठमाडौं ।सत्तारुढ दल नेपाली कांग्रेसको १४औं महाधिवेशन नजिकिँदै गर्दा प्रवक्ता विश्वप्रकाश शर्माले महामन्त्री पदमा प्रतिस्पर्धा गर्ने घोषणा गरेका छन् ।

काठमाडौं ।प्रमुख प्रतिपक्षी दल नेकपा एमालेले प्रतिनिधिसभा बैठकमा दिनदिनै नाराबाजी गरेर निहुँ खोज्न थालेपछि सभामुख अग्निप्रसाद सापकोटाले ‘एक्सन’ थालेका छन्

न्यूयोर्क । परराष्ट्रमन्त्री डा. नारायण खड्काले नेपाली समय अनुसार आज मध्यरातमा राष्ट्रसंघीय महासभामा सम्बोधन गर्ने भएका छन् । परराष्ट्र मन्त्रालयका