गण्डकी र धौलागिरीका सरकारी कार्यालय ठप्प

३१ भाद्र २०६९, आईतवार १४:०१ मा प्रकाशित

काठमाडौं, ३१ भदौ । बिमानस्थल निर्माण कार्य तुहाउने सम्भावना बढेपछि पोखरा क्षेत्रीय अन्तराष्ट्रिय विमानस्थल निर्माणको लागि दवाव दिन चरणवद्ध आन्दोलनमा उत्रिएका पोखरेली तथा पश्चिमाञ्चलवासीले आइतबार गण्डकी र धौलागिरी अञ्चलका सरकारी कार्यालय अगाडि धर्ना दिएर कामकाज ठप्प पारेका छन्। सरोकार समितिको आव्हानमा पोखरेलीले सरकारी कार्यालयअन्तर्गत शिक्षा, वन, हुलाक, उपमहानगरपालिका, यातायात, साल्ट ट्रेडिङ, कृषि सामाग्री संस्थान, नेपाल टेलिकम, जिल्ला विकास समिति, मालपोत, आन्तरिक राजश्व कार्यालय, क्षेत्रीय शिक्षा निर्देशनालय, विद्युत प्राधिकरण लगायत सरकारी कार्यालयको मुलगेटमा नारावाजीसहित धर्ना दिएका छन्। धर्नामा सहभागीले विमानस्थल निमार्ण कार्य तत्काल सुरु गर, वहानाबाजीको अन्त्य गर, सरकारी ढिलासुस्ती अन्त्य गर लगायत नारा लगाएका छन्।
क्षेत्रीय अन्तर्राष्ट्रिय विमानस्थल निर्माण सरोकार समितिले दुबै अञ्चलका सम्पूर्ण सरकारी कार्यालय र संस्थानको मुल गेटमा धर्नासहित कर्मचारीलाई प्रवेशमा रोक लगाएर कामकाज ठप्प पारेको र कास्कीबाहेक अन्य जिल्लामा पनि स्थानीय सरोकार समितिको अगुवाइमा सरकारी कार्यालयमा धर्ना दिएर कामकाज ठप्प पारिएको सरोकार समितिका मुल संयोजक कृष्णमोहन श्रेष्ठले जानकारी दिए।
दवावका लागि थालिएको नागरिक दवाव अभियानअर्न्तगत गत बिहीबारदेखि पुनः सुरु भएको पोखरा विमानस्थल अगाडिको रिले अनशन आइतबार पनि जारी छ। सरोकार समितिले शनिबार बिहान पोखरा विमानस्थलमा धर्ना समेत दिएको थियो।

प्रतिक्रिया
सम्बन्धित खवर

काठमाडौँ । लुम्बिनी प्रदेशका नवनियुक्त मन्त्रीले पद तथा गोपनीयताको शपथ लिएका छन् । प्रदेश प्रमुख धर्मनाथ यादवले नवनियुक्त मन्त्रीहरु विजय

काठमाडौं । कोरोना भाइरसको दोस्रो लहर नेपालमा महामारीकै रुपमा फैलिन थालेको छ । सोमबार १२सय ८२ नयाँ संक्रमित थपिएका छन्

काठमाडौँ । सार्वजनिक यातायातमा सिट क्षमताभन्दा बढी यात्रु राख्न नपाइने भएको छ । सोमबार बिहान बसेको मन्त्रिपरिषद् बैठकले नयाँ भेरियन्ट

काठमाडौं । नेपाली कांग्रेसका सभापति शेर बहादुर देउवाले अहिले प्रजातन्त्रमाथि खतरा उत्पन्न भएकाले ओलीलाई प्रधानमन्त्रीबाट हटाउनुपर्ने बताएका छन् । नेपाल