तीजको दिन पशुपति क्षेत्रमा ६ हजार सुरक्षाकर्मी, एक हजार तिर्नेले दर्शनका लागि लाइन बस्न नपर्ने

काठमाडौं, ३० भदौ । हरितालिका (तीज)को दिन आगामी मंगलबार पशुपति क्षेत्रमा ६ हजार प्रहरी परिचालन गरिने भएको छ । पशुपति क्षेत्र विकास कोषले पत्रकार सम्मेलनको आयोजना गरी सो क्षेत्रमा ६ हजार प्रहरी र ३ हजार ५ सय स्वयमसेवक परिचालन गर्न लागिएको जानकारी दिइएको हो ।
विशेषगरी वृद्धा, अपांगहरुलाई स्वयमसेवकको सहयोगमा पशुपतिनाथको दर्शन गराउने व्यवस्था गरिएको कोषले जनाएको छ । दर्शनको व्यवस्था मिलाउन ५१ सदस्यीय मूल आयोजक समिति र विभिन्न सातवटा उपसमितिहरु पनि गठन गरिएका छन् ।
लाइनमा बस्न नभ्याउनेहरुले एकहजार रुपैयांमा टिकट खरिद गरेर पशुपतिनाथको दर्शन गर्न सक्ने व्यवस्था गरिएकोसमेत बताइएको छ ।