एमालेभित्र अझै एकताको सम्भावना छ ?

२० श्रावण २०७८, बुधबार ०८:२७ मा प्रकाशित

काठमाडौं । नेकपा एमालेमा विवाद समाधानका लागि निरन्तर छलफल भइरहेको छ । विवाद समाधानका लागि पार्टी अध्यक्ष केपी शर्मा ओली र वरिष्ठ नेता माधवकुमार नेपालका बीचमा भेट गराउने प्रयास पनि भैरहेको छ ।

आजै भेट हुने भनिए पनि अहिलेसम्म टुङ्गो लाग्न सकेको छैन । एकता प्रयासकै बीचमा संस्थापन पक्ष भने विभिन्न विभाग गठन गरेर महाधिवेशनतिर लागेको छ । राजनीतिक विष्लेषक यही अवस्थामा एमालेमा एकता नहुने बताउँछन् ।

नेकपा एमालेको विवाद समाधानका लागि १० बुँदे सम्झौता भयो । सो सम्झौतापछि पनि नेपाल खनाल पक्ष पार्टीको बैंठकमा अनुपस्थित रहँदै आएको छ । तर संस्थापन पक्ष भने महत्वपूर्ण निर्णय गर्दै अघि बढ्न थालेको छ । उसले महाधिवेशनको तयारीका साथै विभिन्न विभाग बनाउने निर्णय पनि गरिसकेको छ । ति विभागमा नेपाल खनाल समूह अटाएको छैन ।

पार्टी विवाद समाधानको प्रयास भैरहँद संस्थापन पक्ष एकलौटी ढंगले अघि बढेको नेपाल खनाल समूहको आरोप छ । तर संस्थापन भने अब स्थानीय तहको चुनाव पनि गर्नुपर्ने भएकाले सधै पर्खेर बस्न नसकिने बताउँछ । प्रवक्ता प्रदीप ज्ञवाली एकतामा आउनेका लागि ठाउँ खाली राखेर विभाग बनाएको भन्दै पार्टीलाई गति दिनुको विकल्प नभएको बताउनुहुन्छ ।

१० बुँदे सहमति पछि पनि नेपाल खनाल पक्ष सहमतिमा नआएको भन्दै संस्थापन पक्ष रुष्ट छ । अझै नेपाल पक्षबाट आएका विभिन्न खाने प्रस्तावले एकता प्रक्रिया जटिल बनेको उसको बुझाइ छ । पार्टी महासचिव ईश्वर पोखरेल १० बुँदे सहमतिपछि पार्टी २०७५ जेठ २ कै अवस्थामा फर्किसकेकाले सोही अनुसार अघि बढ्नुको विकल्प नभएको बताउनु हुन्छ ।

संस्थाप पक्षले महत्पवूर्ण निर्णय लिएकोमा असन्तुष्ट देखिए पनि नेपाल–खनाल समूह एकताका पक्षमा केही लचिलो बनेको छ । एकतालाई असर पार्ने गरि अभिव्यक्ति नदिन उसले सबैलाई आग्रह गरेको छ ।

एमालेमा विकसित पछिल्ला घटनाक्रमबारे विष्लेषकको अनुमान भने केही फरक छ । राजनीतिक विष्लेषक पुरञ्जन आचार्य संस्थापन पक्ष नेपाल–खनाल समूहलाई बाहिरै राखेर महाधिवेशन सम्म जान खोजेको जस्तो देखिएको बताउनुहुन्छ ।

नेपालले सम्मानजनक एकता चाहेको र संस्थापन पक्ष पेलेरै जाने मनस्थितिमा रहेकाले अहिलेकै अवस्थामा एमालेमा एकता संभव नभएको विष्लेषक आचार्यको दाबी छ ।

अध्यक्ष केपी शर्मा ओलीमा सरकारबाट हटनु परेपछि आक्रोश अझै थामिकएको छैन । तर दोस्रो तहका नेताले भने पार्टीमा एकता बनाउन निरन्तर प्रयासमा छन् । अध्यक्ष ओली र वरिष्ठ नेता माधवकुमार नेपालबीचको इगोका कारण एकताले सार्थकता नपाएको दोस्रो तहका नेताको बुझाइ छ । यस्तो अवस्थामा एमालेको आन्तरिक एकता कसरी अघि बढ्छ अझै स्पष्ट हुन सकेको छैन ।

 

प्रतिक्रिया
सम्बन्धित खवर

काठमाडौं ।नेकपा एमालेबाट विभाजित भई बनेको नेकपा एकीकृत समाजवादी (एस) पार्टीमा कार्यविभाजन गर्दा सुरुमा थोरै उपाध्यक्ष राख्ने प्रयास भएको थियो

काठमाडौं ।सत्तारुढ दल नेपाली कांग्रेसको १४औं महाधिवेशनको सरगर्मी बढिरहेका बेला वरिष्ठ नेता रामचन्द्र पौडेल गुटभित्र विद्रोह मच्चिएको छ । सभापति

काठमाडौं । नेकपा (एमाले) को केन्द्रीय कमिटी बैठक जारी छ । दशौँ महाधिवेशन अघि बसेको बैठकमा अहिले दुई विषयले सबैको

काठमाडौं । पार्टी विभाजनको क्रममा माधवकुमार नेपाललाई छोडेर मुल पार्टीमै फर्केका एमालेका ‘तेस्रो धार’ एकपछि अर्को गर्दै अध्यक्ष केपी शर्मा