राष्ट्रपतिबाट दलहरुलाई फेरि ताकेता, कडा रुपमा प्रस्तुत हुने शितल निवासको तयारी

३० भाद्र २०६९, शनिबार ०९:३० मा प्रकाशित

काठमाडौं, ३० भदौ । भदौ महिनाभित्र सहमतिमा पुग्ने प्रतिवद्धता पूरा नगरेपछि राष्ट्रपति रामवरण यादवले नेताहरुलाई फेरि ताकेता गर्नुभएको छ । दलहरुले व्यर्थमा झण्डै तीनसाता बिताएपछि राष्ट्रपतिले उनीहरुलाई झक्झक्याउन भोली आइतबार फेरि छलफलमा डाक्नुभएको हो । संविधानसभा विघटनको तीन महिनासम्म पनि प्रमुख दलहरुबीच सहमतिका सवालमा कुनै प्रगति नभएपछि राष्ट्रपति असन्तुष्ट हुनुहुन्छ ।

स्रोतका अनुसार राष्ट्रपतिले अब दलहरुलाई समय अवधि तोकेरै सहमतिमा पुग्न अल्टिमेटम दिने तयारी गर्दैहुनुहुन्छ । त्यस अवधिमा सहमति नभए प्रधानमन्त्री बाबुराम भट्टराईलाई राष्ट्रपतिले सत्ता छाड्न आग्रह गर्ने स्रोतको दाबी छ । भट्टराईले राष्ट्रपतिले दिएको समयावधिभित्र सरकार नछाडेमा संविधानको धारा ३८ को १ अनुसार सहमतिको सरकारका लागि आह्वान गर्ने राष्ट्रपतिको योजना छ । प्रमुख दलका नेताहरुलाई भोलीको भेटमा राष्ट्रपतिले यस कुराको जनाउ गराउने सम्भावना रहेको स्रोतले बतायो ।

दलहरुले सहमति गर्न नसकेपछि निकासका लागि विभिन्न विकल्पहरुमा छलफल जारी छ । दलहरुलाई अझै केही दिन समय छ, तर अझै कुनै हल निकाल्न नसके राष्ट्रपतिले संविधानको पालन तथा संरक्षणकर्ताको हैसियतले निकास दिनैपर्ने आवाज चौतर्फी उठिरहेको अवस्था छ । भदौभित्र सहमति जुटाउन निरन्तर छलफल गर्ने भने पनि दलहरुबीच वार्तासम्म हुन सकेको छैन । तर भदौभित्र सहमति नजुटे निर्वाचनमा जान दलहरु सहमत भएको संकेत मिलेको छ । तर सरकारका विषयमा भने द्वन्द्व कायम नै छ जसले अन्य सहमतिका विषयमा प्रत्यक्ष प्रभाव पार्ने देखिन्छ ।

संविधानसभा पुनःस्थापना गर्ने या चुनावमा जाने भन्नेमा सहमति गरेर आउन यसअघिको भेटमा राष्ट्रपतिले दलहरुलाई आग्रह गर्नुभएको थियो । यो स्वीकार गरेर शितल निवासबाट निस्केका दलहरु अबको भेट बोलाईंदासम्म अझै के गर्ने भन्ने अन्योलमै छन् । राष्ट्रपतिले दोहोरयाएर ताकेता गरेपछि आज शनिबार दलहरु छलफलमा बस्ने तयारी गरिरहेको बुझिएको छ । तर प्रधानमन्त्रीको आज जुम्ला जाने कार्यक्रम रहेको र दलका नेताहरु प्नि जिल्ला–जिल्लामा पुगेकोले आज छलफल हुने–नहुनेमा अन्योल देखापरेको छ ।

प्रतिक्रिया
सम्बन्धित खवर

दक्षिण पश्चिम चीनको तिब्बत स्वायत्त क्षेत्रको उच्च उचाई भएका स्थानहरूबाट नाग्कु शहरमा कूल १७ हजार ५५५ व्यक्तिलाई टाढा सारिने तिब्बती

गृहमन्त्री बालकृष्ण खाणले संसद्मा विचाराधिन रहेको नागरिकता विधेयकलाई दलको सहमतिमा अघि बढाउने प्रयत्नमा सरकार लागेको बताउनुभएको छ । विधेयक अघि

काठमाडौं । नेपालले अमेरिकालाई अमेरिकाको ‘स्टेट पार्टनरसिप प्रोग्राम’ एसपीपीमा आबद्ध नहुने निर्णय पठाएको छ । गृहमन्त्री वालकृष्ण खाँणका अनुसार एसपीपीमा

काठमाडौं । नेकपा एमालेका महासचिव शंकर पोखरेलले नेपाली काँग्रेस नेतृत्वको गठबन्धनबाट समाजवाद सम्भव नुहने बताएका छन् । सोमबार नरबहादुर कर्मचार्य

आजको प्रमुख समाचार