अमेरिकी दूतावासद्वारा त्रुटी स्वीकार

 काठमाडौं, ३० भदौ । अमेरिकी सरकारले मध्य तथा दक्षिण एसियाली मामलासम्बन्धी अमेरिकी विदेश सहायक मन्त्री रोवर्ट ओ ब्लेक र नेपालमा रहेका तिब्बती शरणार्थीबीचको भेटवार्ताका बारेमा परराष्ट्र मन्त्रालयलाई जानकारी नगराउनु त्रुटी भएको स्वीकार गरेको छ । परराष्ट्र मन्त्रालयले सो भेटका विषयमा अमेरिकी दूतावासंग जानकारी माग गरेपछि दूतावासकी उपप्रमुख प्याट्रिसिया महोनी हिजो शुक्रबार मन्त्रालयमा उपस्थित भएर हतारमा जानकारी गराउन छुटेको भन्दै त्रुटी स्वीकार गर्नुभएको बताइएको छ । उहांले कुटनीतिक आचारसंहिता पालनामा अमेरिका सचेत र प्रतिवद्ध रहेको पनि बताउनुभएको थियो ।