छोराको वियोग सहन नसकी आमाले गरिन आत्महत्या

काठमाडौं, २९ भदौ । छोराको मृत्युको पिडा सहन नसकी स्याङ्जाकी एक आमाले आत्महत्या गरेकी छिन् । सर्पले टोकेको नाबालक छोराको उपचारका क्रममा पोखरामा हिजो मृत्यु भएपछि स्याङ्जा आलमदेवी गाविस ८ की बीना सुनारले आत्महत्या गरेकी हुन्। उनका छोरा ५ वर्षीय भरत सुनारलाई बुधबार राति साढे ८ बजे घरमै सुतेका बेला सर्पले टोकेको थियो।
बिनाका पति खुमबहादुर सुनारको गतवर्ष क्यान्सरबाट मृत्यु भएको थियो । पति वियोगको चोटमा खाटा बस्न नपाउंदै नाबालक छोराको मृत्यु भएको को पीडा खप्न नसकेर बीनाले अस्पताल नजिकै सेती नदीको नहरमा फाल हालेर आत्महत्या गरेको कास्की प्रहरीले जनाएको छ । उनको शव बिहिबार पोखरा १२ सितलादेवी मार्गस्थित नहरमा फेला परेको थियो।