बन्दका कारण मुलुकभरको जनजीवन प्रभावित

२९ भाद्र २०६९, शुक्रबार ०९:३६ मा प्रकाशित

काठमाडौं, २९ भदौ । महंगीको विरोधमा नेकपा–माओवादीले आह्वान गरेको आधादिने नेपाल बन्दका कारण मुलुकभरको जनजीवन बिहानैदेखि प्रभावित भएको छ । मूल्यवृद्धि नियन्त्रणको माग गर्दै माओवादीले बिहान ६ बजेदेखि मध्यान्न १२ बजेसम्म मुलुकभर बन्द आह्वान गरेको हो । मुख्य शहरहरुमा यातायात, पसल, बजार, शिक्षण संस्था, कलकारखाना ठप्प रहेका छन् । काठमाडौं उपत्यकाका विभिन्न स्थानमा माओवादीका कार्यकर्ताले प्रदर्शन जारी रखेका छन् ।
जबर्जस्ती बन्द गराउन खोजने ५ जनालाई ठमेल र रत्नपार्क क्षेत्रबाट प्रहरीले नियन्त्रणमा लिएको छ । पोखरामा माओवादी कार्यकर्ताले प्रेस युनियन कास्कीका अध्यक्ष शिरोमणि बरालको मोटरसाईकल तोडफोड गरेको प्रहरीले जनाएको छ ।
परिचयपत्र देखाए पनि बन्दकर्ताले बरालको मोटरसाईकल चिप्लेढुंगामा तोडफोड गरेका थिए । तोडफोडमा संलग्न भएको भन्दै प्रहरीले माओवादीका जिल्ला सदस्य पूर्णबहादुर राउतलाई पक्राउ गरेको छ ।
सुरुमा दिनभरका लागि बन्द आह्वान गरेको माओवादीले बाल दिवस र तीज पर्वलाई ध्यानमा राखेर आज १२ बजेसम्मका लागि बन्द घटाएको हो । नेकपा माओवादीले प्रधानमन्त्री भट्टराईसमक्ष ७० बुंदे मागपत्र राख्दै पूरा नभए आन्दोलन चर्काउने चेतावनी दिएको छ ।

प्रतिक्रिया
सम्बन्धित खवर

काठमाडौँ । प्रधानमन्त्री शेरबहादुर देउवाले सरकारले धान चामलको उत्पादन र उत्पादकत्व वृद्धि गर्दै यसको आयात प्रतिस्थापन गर्ने रणनीति लिएको बताएका

काठमाडौँ । प्रत्येक वर्ष असार १५ गते मनाइने धान दिवसका अवसरमा आज खेतमा काम गरी दहीच्युरा खाएर मनाइँदै छ ।

काठमाडौं । देशभर लगातार वर्षा भइरहेको छ । जल तथा मौसम विज्ञान विभागका अनुसार पहाडी र तराई क्षेत्र केन्द्रित वर्षा

नेपाल र भारतबीच महाकाली एकीकृत विकास सन्धि भएको २६ वर्षपछि नेपालले पानी पाएको छ। सन् १९९६ मा नेपाल र भारतबीच

आजको प्रमुख समाचार