चीनका भावी राष्ट्रपति अचानक हराएकोमा आशंका

२८ भाद्र २०६९, बिहीबार २०:४३ मा प्रकाशित

काठमाडौं, २८ भदौ । चीनका उपराष्ट्रपति शि जिनपिङ एक्कासी सार्वजनिक रुपमा देखा पर्न छोडेको समाचार सार्वजनिक भएको छ । केही दिनयता कतिपय महत्वपूर्ण बैठकहरुमा उनी सहभागी नभएको र तय गरिसकिएका महत्वपूर्ण भेटघाटहरु समेत रद्द गरिएका छन् । यसले जिनपिङको विषयमा अनेक आशंका र अनुमान गरिएको एजेन्सीहरुले जनाएका छन् ।
जिनपिङ चीनको राष्ट्रपति बन्ने लगभग निश्चित भइसकेको छ । उनले राष्ट्रपति हु जिन्ताओको स्थान लिंदैछन् । यस परिवेशमा आशंका गरिएअनुसार कि त उनी गम्भीर बिरामी परेका छन् कि चाहिं सत्ता–संघर्षको शिकार बनाइएका छन् ।
एक साताभित्र जिनपिङका तय भइसकेका महत्वपूर्ण भेटघाटहरुमा अमेरिकी विदेशमन्त्री हिलारी क्लिन्टन र सिंगापुरका प्रधानमन्त्री ली सेन लुङसंगका प्रमुख थिए जो रद्द गरिएका छन् । केही अन्य विदेशी नेताहरुसंगका भेटघाट पनि यसैगरी अचानक रद्द गरिएका थिए । गत सोमबार मात्रै डेनमार्ककी प्रधानमन्त्री हेले थार्निङ–स्मिड्टसंग प्रस्तावित भेटघाट पनि रद्द गरिएको थियो । तथापि, चिनीयां विदेश मन्त्रालयले डेनमार्कका प्रधानमन्त्रीसंग भेटघाट तय नै नभएको बताएको छ । जे हास्, शि रहश्यमयी किसिमबाट ‘बेपत्ता’ भएका छन् र यतिबेला चिनका भावी राष्ट्रपतिको अवस्थाबारे किसिम–किसिमका चर्चा र आशंका पैदा हुन पुगेको छ ।

प्रतिक्रिया
सम्बन्धित खवर

विश्वभर कोरोना संक्रमणका कारण ज्यान गुमाउनेको संख्या ३० लाख २३ हजार नाघेको छ । संक्रमित हुनेको संख्या पनि १४ करोड

नयाँ दिल्ली । भारतमा कोरोना भाइरसको महामारी अति भयावह बन्दै गएको छ र संक्रमण तथा मृत्युदर तीव्र गतिमा बढिरहेको छ

साउदी अरबले तीन उच्च सैनिकलाई ‘देशद्रोह’ गरेको आरोपमा मृत्युदण्ड दिएको यहाँको रक्षा मन्त्रालयले बताएको छ । मन्त्रालयले राज्य सञ्चालित समाचार

म्यानमारमा सैनिक कु विरुद्धमा जारी प्रदर्शनका क्रममा थप ८० जनाको मृत्यु भएको छ । म्यानमारको बागो शहरमा भएको प्रदर्शनमा सो