सहमतिको राजनीतिको संभावना अन्त्य : नेपाल

२८ भाद्र २०६९, बिहीबार १६:१७ मा प्रकाशित

काठमाडौं, २८ भदौ । नेकपा एमालेका पोलिटव्यूरो सदस्य प्रदिप नेपालले राजनीतिक दलहरुका वीचमा सहमतिको राजनीतिको संभावना अन्त्य भएको बताउनुभएको छ ।
प्रेस चौतारी नुवाकोटद्वारा आज विदुरमा आयोजित पत्रकार सम्मेलनमा एमाले नेता नेपालले एकीकृत माओवादीले आफ्नो हठ नछोड्ने तर बैठकमा मात्र सहमति र सहकार्यको कुरा गर्ने भएकाले दलहरुको बैठक औपचारिकता मात्र सिमित बताउनुभयो । दलहरुवीच सहमति हुन नसकेमा समस्या समाधानको लागि सर्वाेच्च अदालतका पूर्व न्यायाधिशको नेतृत्वमा नयाँ सरकार बन्नुपर्ने उहाँले बताउनुभयो । न्यायधिशको नेतृत्वमा बन्ने सरकार चुनावी सरकार मात्र हुने नेता नेपालले बताउनुभयो ।
नेता नेपालले सबैलाई सहमतिमा ल्याउन देशमा बैकल्पिक सरकारको आवश्यकता रहेको दावी गर्नुभयो । उहाँले दलहरुवीचको सहमति र सहकार्यलाई एमालेले निरन्तरता दिन नछाड्ने बताउँदै दलहरुबीच वार्ता सहमति र नयाँ निर्वाचनको बहस एकैपटक थालिनुपर्ने बताउनुभयो ।
नेकपा एमालेभित्र जनजाति नेताहरुको विवादको सम्वन्धमा नेता नेपालले भाग नपुगेर केही महत्वकांक्षी व्यक्तिहरु सलबलाउँदैमा पार्टीलाई कुनै नोक्सान नहुने बताउनुभयो । जनजाति भएकै कारण पार्टीले दिएको पद सम्मान र हैसियतलाई विसर्िएकाले पार्टीभित्र केही तत्व सलवलाएको उहाँले बताउनुभयो ।

प्रतिक्रिया
सम्बन्धित खवर

काठमाडौँ । कर्मचारी समायोजनसम्बन्धी विवादमा सर्वोच्च अदालतको फैसला सार्वजनिक भएसँगै लोकसेवा आयोगलाई सम्पूर्ण परीक्षा सञ्चालन गर्न बाटो खुलेको छ ।

काठमाडौँ । नेपाली कांग्रेसका नेता प्रदीप गिरीको निधन भएको छ । क्यान्सर रोगबाट पीडित नेता गिरीको आज राति ९:३० बजे

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी