नेशनल प्यारालम्पिक कमिटीका सदस्य लोप्चनद्वारा लण्डनमा आत्महत्याको प्रयास

२८ भाद्र २०६९, बिहीबार ११:१० मा प्रकाशित

काठमाडौं, २८ भदौ । नेशनल प्यारालम्पिक कमिटी, नेपालका सदस्य ४५ वर्षीय मनबहादुर लोप्चनले लण्डनमा डोरीको पासो लगाई आत्महत्या गर्ने प्रयास गरेका छन् । प्यारालम्पिकका लागि उनी खेल पदाधिकारीका रुपमा लन्डन गएका थिए । आत्महत्या प्रयास गर्दा हृदयघात भएपछि उनको अचेत अवस्थामा इष्ट लन्डनस्थित रोयल लन्डन हस्पिटलमा उपचार भइरहेको बुझिएको छ ।
बताइएअनुसार लोप्चनको अहिले आइसीयु साइड रुममा उपचार भइरहेको र बिहीवार विहानसम्म होस खुलेको छैन् ।
पासो लगाएपछि अक्सिजन सप्लाईको कमीले ब्रेनको टिष्यु मर्दै गएर उनको अवस्था चिन्ताजनक रहेको अस्पताल श्रोतले जनाएको बताइन्छ । गत सोमबार राती आत्महत्याको प्रयास गरेका उनलाई मंगलबार विहान प्रहरीले लन्डन एम्बुलेन्स् सर्भिस्मार्फत अस्पताल पुर्‍याएको थियो । घट्नाबारे नेपालमा रहेका लोप्चन परिवारलाई अवगत गराइसकिएको लन्डनस्थित नेपाली दूतावासले जनाए पनि लोप्चनले आत्महत्याको प्रयास किन गरे भन्ने खुलेको छैन ।
स्मरण रहोस्, प्यारालम्पिकका लागि लण्डन पुगेका उनी खेल छोडर वेपत्ता भएको समाचार सार्वजनिक भएको थियो ।

 

प्रतिक्रिया
सम्बन्धित खवर

काठमाडौँ । नेकपा माओवादी केन्द्रले राष्ट्रिय सभाका सदस्य चन्द्रबहादुर खड्कालाई पनि हटाएको छ । खड्काले दल त्याग गरेको सूचना माओवादी

काठमाडौ । नेपाल कम्युनिष्ट पार्टी (एमाले) का अध्यक्ष केपी शर्मा ओलीले माधव नेपाल पक्षकालाई हटाएर स्थायी समिति गठन गरेका छन्

काठमाडौं । आन्तरिक किचलोका कारण बिभाजनको अन्तिम बिन्दुमा पुगेको बेला सत्तारुढ नेकपा एमालेको दशौं महाधिवेशन आयोजक समितिको बैठक आज बस्दैछ

काठमाडौं । स्वास्थ्य तथा जनसंख्या मन्त्रालयले आगामी असार महिना सम्ममा नेपालमा तीन लाख व्यक्तिमा कोभिड–१९ संक्रमण देखा पर्नसक्ने अनुमान गरेको