कांग्रेस संविधानसभा पुनःस्थापनाको विपक्षमा जाने संकेत

२७ भाद्र २०६९, बुधबार १७:०५ मा प्रकाशित

काठमाडौं, २७ भदौ । एमाओवादी अध्यक्ष प्रचण्डले संविधानसभाको पुनःस्थापनामा रहश्यमयी ढंगले ढिपी गर्न थालेपछि नेपाली कांग्रेसले संविधानसभा ब्युंताउने पक्षमा आफ्नो बचेखुचेको सम्भावनाको अन्त्य गरिदिएको छ । पुनःस्थापना गर्न सहमतिका साथै संवैधानिक जटिलता समेत रहेको र नयां निर्वाचनले मात्र मुलुकको निकास दिने बताएर नेपाली कांग्रेसका सभापति सुशील कोइरालाले आज पोखरामा कांग्रेस संविधानसभा पुनःस्थापनको विपक्षमा रहेको जनाउ दिएका हुन् ।
धौलागिरि अञ्चलका तीन जिल्लाका कार्यक्रम सकाएर कास्की पुगेका सभापति कोइरालाले नेपाल प्रेस युनियनले आयोजना गरेको कार्यक्रममा कांग्रेस नयाँ निर्वाचनको पक्षमा रहेको स्पस्टोक्ति दिए । माओवादीको फेरि पनि संविधानसभाबाट सत्ता कब्जा गर्ने नियत देखिएको प्रस्ट्याउंदै कोइरालाले ‘पुनःस्थापना गर्ने भए विघटन किन गरेको ?’ भन्ने प्रश्न माओवादीतर्फ तेस्र्याए । उनले माओवादी र मधेशी मोर्चाको विश्वास नभएको पनि बताए ।
सहमतिका लागि माओवादीले पहिला सरकार छाड्नुपर्मार्छ भन्दै उनले माओवादीसँग पुनःस्थापनाको ग्यारेण्टी पनि नभएको औ्रल्याए । पुनःस्थापना गर्न अदालतको राय के हुन्छ, राष्ट्रपतिले के भन्छन् भन्ने अन्योल बढ्ने जनाउंदै उनले भने, ‘नयाँ निर्वाचन नै समाधान हो ।’

 

प्रतिक्रिया
सम्बन्धित खवर

काठमाडौँ । प्रधानमन्त्री शेरबहादुर देउवाले सरकारले धान चामलको उत्पादन र उत्पादकत्व वृद्धि गर्दै यसको आयात प्रतिस्थापन गर्ने रणनीति लिएको बताएका

काठमाडौँ । प्रत्येक वर्ष असार १५ गते मनाइने धान दिवसका अवसरमा आज खेतमा काम गरी दहीच्युरा खाएर मनाइँदै छ ।

काठमाडौं । देशभर लगातार वर्षा भइरहेको छ । जल तथा मौसम विज्ञान विभागका अनुसार पहाडी र तराई क्षेत्र केन्द्रित वर्षा

नेपाल र भारतबीच महाकाली एकीकृत विकास सन्धि भएको २६ वर्षपछि नेपालले पानी पाएको छ। सन् १९९६ मा नेपाल र भारतबीच

आजको प्रमुख समाचार