श्रीमानद्वारा एकाबिहानै श्रीमतीको हत्या

२६ भाद्र २०६९, मंगलवार २१:१७ मा प्रकाशित

पि.एम.मगर/ गुल्मी, २६ भदौ । गुल्मीको दर्लामचौर गाविसमा एक व्यक्तिले मंगलबार विहानै आफ्नी श्रीमतीको हत्या गरेका छन् । गुल्मी दर्लामचौर–९ निवासी ३५ वर्षीय चन्द्र कुमालले आफ्नै ३० वर्षीया श्रीमती हरिकली कुमाललाई टाउकोमा सिलौटोले हानेर हत्या गरको जिल्ला प्रहरी कार्यालय गुल्मीले जनाएको छ । सोमवार दिउंसो तम्घासवाट घरमा हिंडेका दम्पति राती ईस्मास्थित ससुराली घरमा वसेर सँगै मंगलबार विहान ९ वजेतिर आफ्नो घरमा पुगेका थिए । ठूलावावाको घरमा वसेका उनका छोराछोरीहरुले घरमा आमावावु आएको थाहा पाएपछि आमालाई बोलाउन घरमा पुगेको र वोलाउँदा नवोलेपछि घरको आँटीमा गएर हेर्दा उनीहरुले आमालाई मृत अवस्थामा भेटेपछि स्थानीयवासीलाई खवर गरेको स्थानीय तोयनाथ सापकोटाले जानकारी दिनुभएको छ ।
श्रीमतीको हत्यागरि फरार भएका चन्द्र कुमाललाई स्थानीयवासीले दिएको जानकारीको आधारमा मंगलबार दिउंसो धनार्जी प्रहरी चौकीले हस्तिचौर गाविसअन्र्तगत छल्दीको सिर्पुस्थित एक होटलवाट पक्राउ गरेको थियो । घटनाको जानकारी पाएपछि थप अनुसन्धानका लागि जिल्ला प्रहरी कार्यालय गुल्मीवाट प्रहरि निरिक्षक श्रीप्रकास यादवको नेतृत्वमा प्रहरी टोली घटनास्थलमा गएको छ । कुमाल दम्पति विगत ३ वर्षदेखि सदरमुकाम तम्घासस्थित मिलनचोकमा मजदुरि गर्दै आइरहेका थिए । उनीहरुका २ छोरा र एक छोरी रहेका छन् ।

प्रतिक्रिया
सम्बन्धित खवर

जिल्लाको दिपायल सिलगढी नगरपालिका–७ तथा पूर्वीचौकी गाउँपालिका–१ को सीमाक्षेत्र बुढोबाँज भन्ने ठाउँमा बेवारिसे अवस्थामा एक महिलाको शव फेला परेको छ

काठमाडौं । चैत्र शुक्ल नवमीका दिन मर्यादा पुरुषोत्तम भगवान् रामचन्द्रको सम्झनामा मनाइने ‘रामनवमी’ पर्व आज देशभरि श्रद्धा र भक्तिपूर्वक पूजा

काठमाडौं- प्रत्येक वर्ष चैत्र शुक्ल अष्टमीका दिन मनाइने चैते दशैँ पर्व आज नेपालीले घर घरमा नवदुर्गा भगवतीको पूजा आराधना गरी

काठमाडौँ । सार्वजनिक यातायातमा सिट क्षमताभन्दा बढी यात्रु राख्न नपाइने भएको छ । सोमबार बिहान बसेको मन्त्रिपरिषद् बैठकले नयाँ भेरियन्ट