दिल्ली पब्लिकको बसमाथि फेरि गरे अखिल क्रान्तिकारीले आक्रमण

२६ भाद्र २०६९, मंगलवार १५:०७ मा प्रकाशित

काठमाडौं, २६ भदौ । धरानस्थित दिल्ली पब्लिक स्कुलको विद्यार्थी बोक्ने बसमाथि एकीकृत माओवादीका विद्यार्थी संगठन अखिल क्रान्तिकारीका विद्यार्थीहरुले फेरि तोडफोड गरेका छन्। बीपी कोइराला स्वास्थ्य विज्ञान प्रतिष्ठान हाताभित्र सञ्चालित स्कुलको बसमाथि मंगलबार बिहान विद्यार्थी लिन गएको समयमा अखिल क्रान्तिकारीले तोडफोड गरेको हो।
धरान १९ स्थित जिमी चोकमा विद्यार्थी पर्खिरहेको अवस्थामा मोटरसाइकलमा आएका आधा दर्जन बढी विद्यार्थीहरुले एक्कासी आक्रमण गरेर को १ ख ४५० नम्बर बसको सम्पूर्ण सिसा फुटाइदिएको समाचारमा जनाइएको छ । विद्यार्थीलाई पर्खिरहेको समयमा विद्यार्थीहरुले हामी अखिल क्रान्तिकारी हौं, गाडीबाट ओर्लनुस भन्दै ढुंगाले सम्पुर्ण सिसा फुटाएको चालक सुरेन्द्रकुमार श्रेष्ठले जानकारी दिए।
घटनालगत्तै बस तोडफोडको आशंकामा प्रहरीले नेकपा माओवादी सर्मथित अखिल क्रान्तिकारीका तीन जिल्ला नेता पक्राउ गरेपनि उनीहरुको संलग्नता नभएको पुष्टि भएपछि छाडिदिएको छ। घटनापछि एमाओवादी सर्मर्थित आखिल क्रान्तिकारीको जिल्ला समितिले घटनाको जिम्मेवारी लिएको र पक्राउ परेकाहरुको संगठन संलग्न नभएको खुलेपछि छाडिएको डिएसपी राजेन्द्र बिष्टले जानकारी दिए। एमाओवादीनिकट अखिल क्रान्तिकारीका केन्द्रीय सदस्य सिपि बजगाईले संगठनको केन्द्रीय नीतिअनुरुप नेपालमा सञ्चालित स्कुलको नाम विदेशको राजधानीको नाममा रहेकोले कारबाही गरिएको बताए।

प्रतिक्रिया
सम्बन्धित खवर

काठमाडौँ । सरकारले कूटनीतिक पत्र आदानप्रदान गर्दा परराष्ट्र मन्त्रालयबाट अनिवार्य गर्ने निर्णय गरेसँगै मन्त्रालयहरुले मातहतका निकायलाई त्यसबारे निर्देशन दिएका छन्

काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले एसपीपीमा सहभागी हुन नेपाली सेनाले लेखेको पत्र मर्यादा बाहिरको

काठमाडौं।प्रमुख प्रतिपक्षी दल एमाले अध्यक्ष केपी ओलीले सरकारले आगामी आर्थिक वर्षका लागि ल्याएको बजेट निश्चित घराना र व्यापारीलाई फाइदा पुर्‍याएर

काठमाडौं।प्रमुख प्रतिपक्षी दल एमाले अध्यक्ष पुष्पकमल दाहाल प्रचण्डले अमेरिकी स्टेट पार्टनरसीप प्रोग्राम (एसपीपी)मा नेपालको संलग्नताबारे सत्यतथ्य बाहिर ल्याउन आग्रह गरेका