अदालतले डिएनए टेस्टको रिपोर्ट नमानेपछि…

२६ भाद्र २०६९, मंगलवार ०७:४० मा प्रकाशित

काठमाडौं, २६ भदौ । चितवनकी एक महिलाले सोही जिल्लास्थित पटिहानी–५ का राजिव गुरुङलाई आफ्नो लोग्ने र आफ्नो कोखबाट जन्मेको सन्तानको बाबु दाबी गर्दै दायर गरेको मुद्दा सुल्झनुको साटो झन्–झन् बल्झिन थालेको छ । झण्डै ११ वर्ष अघि २०५८ सालमा सुरु भएको सो मुद्दा चितवन जिल्ला अदालत, हेटौंडाको पुनरावेदन अदालत हुंदै सर्वोच्च अदालतसम्म पुग्यो । डिएनए समेत टेस्ट गरियो र बच्चा गुरुङको नभएको रिपोर्ट आयो । तर, अदालतले महिलाको दाबीलाई नै सदर गरेको छ भने राजिव सो महिलालाई श्रीमती र उनको कोखबाट जन्मेको बालकलाई आफ्नो सन्तान मान्न तयार छैनन् ।
राजिवले वि.सं. २०५८ साल बैशाख २९ गते निमा गुरुङसंग विहे गरेका छन् । तर पटिहानी नजिकैको शिवनगर गाविसकी अर्की एक महिलाले राजिव आफ्नो श्रीमान भएको र वि.सं. २०५८ साल माघ चार गते आफ्नो कोखबाट जन्मेको छोराको पिता पनि राजिव नै हो भन्न थालिन् । छोरो जन्मनुभन्दा पहिले कात्तिकमै राजिवको घरजांदा पस्न नदिएको महिलाको भनाइ छ ।
यो विषमा चितवन जिल्ला अदालतमा मुद्दा परेपछि जिल्ला न्यायधिस इश्वरप्रसाद खतिवडाले बच्चा राजिवको ठहर हुने फैसला सुनाएका थिए । चितवन जिल्ला अदालतले वि स २०६० साल पुस ६ गते सुनाएको सो फैसला चित्त नबुझेपछि राजिव हेटौंडाको पुनरावेदन अदालतमा गए । पुनरावेदनले पनि जिल्ला अदालतकै फैसला ठिक भएको निर्ण दियो । तर राजिव पुनरावेदन अदालतको निर्णय पनि चित्त नबुझेको भन्दै सर्वोच्च अदालत गए । सर्वोच्चले राजिव, महिला र सन्तान तीनैजनाको डीएनए परीक्षण गर्ने आदेश दियो। । सो आदेश बमोजिम राष्ट्रिय विधिविज्ञान प्रयोगशाला (नाष्ट)मा तीनैजनाको डीएनए परीक्षण हुंदा राजिव र बच्चाको डीएनए नमिल्ने प्रतिवेदन आयो ।
नास्टबाट यस्तो प्रतिवेदन आउंदा पनि अदालतले बच्चाको बाबु राजिव नै हो भन्ने फैसला गरेको छ । राजिव हाल रोजगारीको सिलसिलामा कोरियामा छन् भने ‘सर्वोच्चले डीएनए परीक्षणजस्तो अकाट्य प्रमाणलाई नमान्दा हामी अन्यायमा परेको छौं’ भन्छिन् राजिवकी दिदी रेनुका ।
सर्वोच्च अदालतका न्यायधिस बलराम केसी र सुशिला कार्कीको संयुक्त इजलासले विस २०६७ साल जेठ ११ गते उक्त मुद्दामा फैसला गरेको थियो । डीएनए परीक्षण गर्ने बेलामा राजिवसंगै अर्को मान्छे पनि प्रयोशालामा गएको भन्ने कुरा आएकाले नाष्टको प्रतिवेदन नै गलत भएको अदालतको जिकिर छ । ‘वादीको अनुपस्थिति रहेको बेलामा प्रतिवादीको साथमा अर्को व्यक्ति पनि भित्र पसेकाले अदालतमा प्रस्तुत डीएनए रिपोर्ट यस मुद्दामा प्रमाणका रुपमा लिईंदैन’, सर्वोच्च अदालतको फैसलामा भनिएको छ । स्मरणीय के छ उक्त परीक्षणप्रति शंका लागे आफूहरु अर्को परीक्षणका लागि पनि तयार रहेको राजीवपक्षले बताउंदै आएको छ ।

प्रतिक्रिया
सम्बन्धित खवर

वालिङ । स्याङ्जामा एक वर्षको अवधिमा चार सय ६१ सम्बन्ध विच्छेदका मुद्दा दर्ता भएका छन् । स्याङ्जा जिल्ला अदालतमा आर्थिक

म्याग्दी । म्याग्दी र यस वरपरका क्षेत्रमा नौमती बाजा बजाएर असारे भाकामा बाउसे र रोपाहारले दोहोरी गाउँदै धान रोपाइँ गर्ने

काठमाडौँ । देशभर मनसुनी वायुको प्रभाव छ । जसका कारण देशभर हल्कादेखि भारी बर्षाको सम्भावना रहेको मौसमविदले बताएका छन् जल तथा

तुलसीपुर । कक्षामा वरिपरि नातिनातिना उमेरका सहपाठी छन् । उनीहरुकै बीचमा पाका व्यक्ति पनि ध्यान दिएर पढिरहेका हुन्छन् । कपाल