आत्महत्या रोक्न बहस

२६ भाद्र २०६९, मंगलवार ०६:०९ मा प्रकाशित

काठमाडौं, २६ भदौ । विश्व आत्महत्या रोकथाम दिवसको अवसरको अवसरमा नेपाल आत्महत्या रोकथाम एवं मानसिक स्वास्थ्य अनुसन्धान केन्द्रले आत्महत्या कसरी रोकथाम गर्ने भन्ने विषयमा राजधानीमा बृहत  अन्तरक्रिया गरेको छ । नेपाली समाजमा दिनानुदिन बढ्दै गएको आत्महत्या, यसको रोकथाम र सरकारको दायित्व विषयमा सोमबार आयोजित अन्तरक्रियाका वक्ताहरुले नेपालमा डरलाग्दो ढंगमा बढिरहेको आत्महत्याको घटनाप्रति चिन्ता प्रकट गरे ।

अन्तरक्रियामा बोल्दै त्रिवि शिक्षण अस्पताल महाराजगन्जमा मानसिक स्थास्थ्य विभाग प्रमुख प्रा. डा. सरोज ओझाले आप्mनो जीवन के हो भन्ने र सार्थक जीवनको महत्व नबुझी आत्महत्या प्रयास गर्ने व्यक्तिहरुलाई बचाउन सकिने बताए । प्रा. डा. ओझाले भने– ‘आत्महत्या गर्न खोज्नेहरुलाई रोक्न सकिन्छ, त्यसमा सरकारले विशेष पहल गर्नुपर्छ ।’

यस्तै, त्रिवि केन्द्रीय मनोविज्ञान विभागमा कार्यरत प्रा.डा. शिशिर सुब्बाले समाजमा विग्रह, द्वन्द्व, अन्धविश्वास, गरिबी, वेरोजगारी आदिका कारण बर्षेनी लाखौं मानिसले आत्महत्या रोज्ने गरेको दाबी गरे । उनले आत्महत्या सामाजिक विचलन, रुग्ण मानसिकता र एक्लो पन मूख्य समस्या भएको भन्दै द्वन्द्वको बेला धेरैले परिवार सम्पत्ति मात्र गुमाएनन् डिप्रेशन रोग पनि कमाए जसको कारण अहिले पनि मानसिक रोगी भई आत्महत्या गर्नेको संख्या थपिँदै गएको दाबी गरे ।

अन्तरक्रिया कार्यक्रममा बोल्दै डब्लुएचओ पब्लिक हेल्थका प्रशासक डा. फ्रेङ्क पाउलिनले आत्महत्या अन्तर्राष्ट्रिय समस्या भएको भन्दै नेपालजस्तो विकासशील मुलुकमा त झनै विकराल अवस्था निम्तिदै गएको धारणा राखे । उनले भने– ‘संसारभर बर्षेनी १० लाखभन्दा बढी मानिसहरुले आत्महत्या गरेको र ५० लाखभन्दा बढी मानिस प्रत्यक्ष अप्रत्यक्ष रुपमा प्रभावित हुने गरेका छन् ।’

प्रतिक्रिया
सम्बन्धित खवर

काठमाडौं । काठमाडौंको पश्चिम उत्तरतर्फ पर्ने नागार्जुनको जंगलमा डढेलो लागेको छ । नागार्जुनस्थित शिवपुरी राष्ट्रिय निकुञ्जको जंगलमा लागेको डढेलो निभाउनका

काठमाडौं । प्रत्येक वर्ष चैत्र कृष्ण औँसीका दिन मनाइने घोडेजात्रा पर्व आज मनाइँदैछ । उपत्यकामा कोरोना भाइरसको सङ्क्रमण फेरि बढ्न

काठमाडौं । नेपाल पत्रकार महासङ्घको बुधबार भएको २६ औं महाधिवेशनबाट विपुल पोखरेल नेतृत्वको प्यानलले जित हासिल गरेको छ । महासङ्घ

काठमाडौं । पूर्व महाराज ज्ञानेन्द्र शाहले भारतका गृहमन्त्री अमित शाहसँग भेटघाट गरेका छन् । उनी दुई दिनअघि भारतको हरिद्वारमा जारी