ब्लुमक्विस्ट पुरस्कारबाट कथाकार सुकृति पुरस्कृत

४ जेष्ठ २०७८, मंगलवार ०७:४५ मा प्रकाशित

काठमाडौं । संयुक्त राज्य अमेरिकामा बसेर साहित्य लेखनमा सक्रिय नेपाली स्रष्टा सुकृति शर्माले नयाँ कथासंग्रह ‘सत्र पुष्प पत्रहरु’बाट ५ हजार अमेरिकी डलर (५ लाख ८५ हजार नेपाली रुपैयाँ) सहितको पुरस्कार हासिल गरेकी छन् ।

कथाकार सुकृति शर्मालाई ब्लुमक्विस्ट परिवारिक छात्रवृत्ति कोषले सो कृतिबापत ५ हजार अमेरिकी डलरसहितको ब्लुमक्विस्ट–२०२१ वर्ष पुरस्कार प्रदान गरेको हो । ब्लुमक्विस्ट परिवारिक प्रतिष्ठानले धेरै लामो समयदेखि ‘कलेज एक्सेस फेयरफ्याक्स ः ओपनिङ डोर टु द फ्युचर’ नामक संस्थामार्फत सो पुरस्कार प्रदान गर्दै आइरहेको पनि पुरस्कार प्रदान समारोहमा जानकारी गराइएको छ ।

सो पुरस्कार प्राप्त गरेपछि नेपाली चेली सुकृति शर्माले आफ्नो कडा परिश्रमले यो पुरस्कार प्राप्त गरेको बताइन् । सो क्रममा उनले आफ्नो सो कृति लेख्न सघाउने भाइ साइमनलाई पनि सम्झिन् । सुकृतिको अंग्रेजी कथासंग्रह ‘सत्र पुष्प पत्रहरू’ अमेजनमा उल्लेखनीय रूपमा बिक्री भइरहेको छ ।

शर्माको यो कथासंग्रह ‘फेयरफ्याक्स काउन्टी’ पुस्तकालयले पाठक सदस्यलाई अध्ययनका लागि सबै २३ वटा शाखामा उपलब्ध गराएको छ । पुस्तकबाट उठेको रकम नेपाल र लेबनानस्थित शरणार्थी शिविरमा रहेका बालबालिकाको स्वास्थ्य सेवाका लागि प्रदान गर्ने पनि पुरस्कार ग्रहण समारोहमा सुकृतिले बताएकी छन् ।

प्रतिक्रिया
सम्बन्धित खवर

काठमाडौं । पछिल्लो २४ घण्टामा नेपालमा १ हजार ३३० जनामा कोरोनाभाइरसको संक्रमण पुष्टि भएको छ । स्वास्थ्य तथा मन्त्रालयका अनुसार

काठमाडौं ।पछिल्लो एक महिनादेखि निरन्तर रूपमा शेयर बजारमा उतारचढाव आएको छ। उतारचढाव आउँदा शेयर बजारमा निरन्तर गिरावट आएको थियो ।

गलेश्वर। पहिले पहिले लेकबेँसी, गाउँ–सहर गर्ने बटुवाहरुको थकाइ मेटाउने थलो चौतारीहरु अहिले नासिँदै गएका छन् । गर्मीमा दौँतरीहरु बसेर शीतल

काठमाडौँ ।बजेट मार्फत कालोधनलाई सेतो बनाउने बाटो खोलेको भन्दै तीव्र आलोचना भएपछि अर्थमन्त्रालयले त्यसो गर्न नखोजिएको स्पष्ट पारेको छ। संसदबाट

आजको प्रमुख समाचार