पीएएचएसको उपकुलपतिमा गरिएको नियुक्तिप्रति असन्तुष्टि

२४ भाद्र २०६९, आईतवार १२:२० मा प्रकाशित

काठमाडौं, २४ भदौ । सरकारले पाटन स्वास्थ्य विज्ञान प्रतिष्ठान (पीएएचएस)को उपकुलपतिमा डा. संगीता भण्डारीलाई नियुक्त गरेको छ । पीएएचएसका संस्थापक उपकुलपति डा. अर्जुन कार्कीका ठाउँमा बीपी कोइराला स्वास्थ्य विज्ञान प्रतिष्ठान धरानको नाक, कान, घाँटी रोग विभागकी प्रमुख डा. भण्डारीलाई ल्याइएको हो । चिकित्साशास्त्र अध्ययन संस्थान महाराजगन्जमा भएको ‘मनोमानीपूर्ण नियुक्ति’बाट उत्पन्न विरोधको घटनाबाट सरकारले शिक्षा नलिई स्वास्थ्य संस्थामा राजनीतिक नियुक्तिको क्रम जारी राखेको भन्दै पाटन अस्पतालमा भएको नियुक्तिको समेत विरोध गरिएको छ ।

रेकर्ड राम्रो नभएकालाई राजनीतिक आस्थाका कारण ल्याइएकोले नराम्रो सन्देश गएको सरोकारवालाहरुको भनाई छ ।
विरोधमा आवाज उठे पनि यसपटकको नियुक्ति चाहिं प्रक्रिया पुर्‍याएर चलाखीपूर्ण रूपले गरिएको बताइएको छ । स्वास्थ्यमन्त्रीको अध्यक्षतामा भएको तीन सदस्यीय नाम सिफारिस समितिले भण्डारीसँगै अन्य दुईजना धेरै कनिष्ठको नाम सिफारिस गरेर प्रधानमन्त्रीकहाँ पठाएको थियो । त्यसको मनसाय उनको नियुक्तिलाई जायज ठहर्‍याउनु थियो भन्ने जानिफकारहरुको कथन छ । डा. भण्डारी मधेसवादी नेता शरदसिंह भण्डारीकी बहिनी हुन् ।

प्रतिक्रिया
सम्बन्धित खवर

काठमाडौं । नेपाली कांग्रेसले हिमाली जिल्लाको अधिवेशन दशैँअघि नै गर्ने निर्णय गरेको छ। बिहीबार कांग्रेस पदाधिकारी र निर्वाचन समितिको छलफलबाट

चितवन । इच्छाकामना गाउँपालिका–५ नाग्दीखोलास्थित पृथ्वी राजमार्गमा काठमाडौँबाट पोखरातर्फ जाँदै गरेको कार त्रिशूली नदीमा खस्दा तीन जना बेपत्ता भएका छन्

काठमाडौं । पराष्ट्रमन्त्री डा नारायण खड्का संयुक्त राष्ट्रसङ्घको ७६औँ महासभामा भाग लिन नेपाली प्रतिनिधिमण्डलको नेतृत्व गर्दै न्युयोर्क पुगेका छन् ।

काठमाडौं । राष्ट्रपति विद्यादेवि भण्डारीले विनियोजन विधेयक प्रमाणिकरण गरेकी छन् । संघीय संसदको दुबै सदनबाट पारित भएको विधेयक राष्ट्रपति भण्डारीले